رواية والله احبك ويشهد الله علي كامله

الأب : خلونا نوديها للمستشفى
محسن(يضغط على الجهه اليمين ): خالد زياد خلونا ننقلها وأتصل خلهم يجهزون غرفه لها
الجده(بخوف على حفيدتها) : محسن خير يمه
محسن: الزايده يمه خلونا نلحق لا تنفجر
أسيل : أنا معكم عمي
عايشه(توها واصله) : أسيل علامها نجود
أسيل(تلبس عباتها) : أبوي يقول لك
فراس (يشيل أخته ) : وأنا معكم يله
في السياره أسيل والعم وفراس ونجود اللي حاطين راسها بحضن أسيل
أسيل(تتصل على عبدالله) : ألو...... عبدالله أنا أسيل........ نجود تعبت ونقلناها للمستشفى ......... طيب باي
فراس: من عبدالله هذا
العم : أخو أسيل بالرضاعه
وفي المستشفى طلب محسن تحاليل سريعه لنجود اللي نقلوها لغرفه خاصه وبقت أسيل وممرضه معها والعم وخالد وزياد وروابي كانوا بمكتب العم
نجود بدت تصحى وبدت تفتح عيونها وفي نفس الوقت كانت السستر ناويه تاخذ عينه دم
نجود(دزتها عنها) : لا لا ما أبي
الممرضه : لو سمحتي أبي عينه دم بس
نجود(مسكت أيدها) : لاء لاء لا
الممرضه(تلف لأسيل) : لو سمحتي أسيل لازم ناخذ عينه عشان المختبر ينتظرها
أسيل(تطالع نجود وسكتت وأهي عارفه أن نجود ماتحب الأبر من كانت صغيره وصعب ترضى) ......
الممرضه : أسيل علامك
أسيل(تبتسم) : نجود بس هذي المره
نجود(تهز راسها مثل الأطفال) : لا لا لا لا تحاولين
أسيل : نجود عفيه لازم ناخذ عينه للفحص نبي نعرف شنو فيك
نجود : ماأحب أسيل أنتي عارفه
الممرضه : أنا راح أنادي الدكتور محسن
نجود(تحط يدها على خصرها رجع الألم) : أأأأأأأأي أأأأأأي شنو فيني أسيل الألم فظيييييييع آآآآآآآآه يمه يمه
أسيل : نجودتي لازم تخلينا ناخذ عينه منك
محسن (بعصبيه توه داخل ) : غصبن عليها
أسيل(تلف) : عمي
نجود(بصوت عالي) : ماااااااا أبي أبره ماأبي
محسن : بزر أنتي ترى كلها أبره
نجود : لا لا ماأحبها أسيل خذيني للبيت أبي أمي
روابي(تلف لأسيل) : أسيل تمزح أهي ولا عن جد حركتها
أسيل : ماتمزح تكره الأبر وأذا مرضت ماتجي للمستشفى إلا غصب لا وأذا عطوها أبر تتبادل مع نجد الأماكن ونجد ماتخاف من الأبر وما كنا نكتشف تبادلهن للأماكن إلا متأخر وأمي حلفت أن وحده فيهن تصبغ شعرها بني عشان تفرق بينهن جنننهاااااااااا
روابي : هههههههههههه
خالد : زين نجد مو هنيه
أسيل : صدقني قادرات
زياد : طيب هذي لو غصبناها ممكن تصارخ وتصحي أهل الرياض كلهم من النوم
الكل : هههههههههههههههههههههههههههههههههههههههههههههههه
محسن(يلف لهم بعصبيه) : لا والله أنا أحاول بالخبله وأنتو طاقينها سوالف
الكل سكت .....
نجود : أأأأأأأأي يمه وينك
أسيل(ترد على الجوال) : هلا عبود ......مارضت شسووووي ....طيب ....باي
أسيل : نجود عبدالله برى معصب يوم عرف باللي قاعد تسوينه
نجود : ماأبي شنوووو على كيفكم
أسيل : مافيه غير نمسكها وناخذ دم منها غصب عنها شرايك عمي
نجود(تحط يديها على خصرها) : لا والله أحلفي آآآآه
محسن : أنا شفت بزران بس بهذا العمر لا
الكل : هههههههههههههههههههههههه
محسن : شفتي الكل يضحك عليك عيييييييب أنتي كبيره حرمه مو بزر
نجود(بدت تبكي) : أبي نجد نجددددددد
عبدالله(يدخل) : السلام عليكم
الكل : وعليكم السلام
أسيل : عبود مدري أيش أسوي كلمها
عبدالله(يقرب بحنيه ويبتسم) : عادت حليمه لعادتها القديمه نجود صرتي حرمه عيب تسوين هالسوالف
نجود(تصيح) : كل واحد يقول حرمه وعيب مو بكيفي ما أحب الأبر ماأبيكم أبي نجد نجد
عبدالله(يطالع لها بنص عين ) : ياعياره عشان تتبادلن الأماكن
أسيل وعبدالله طالعو بعض : ههههههههههههههههههههههههههه
عبدالله : ياعم محسن لا تحاول معها
محسن : نجود لازم ناخذ العينه عشان بكره نسوي العمليه ترى تنفجر داخلك الزايده وتموتين
نجود(تشهق) : إهئئئئئئئئ عمليه
زياد(ضاق صدره لف لخالد) : خلاص أيش هالبزر
خالد : أفففففف مهي صاحيه لا وأبوي ماعصب عليها ليه لحد ألحين
نجود(سمعتهم ولفت لهم) البزر أنت وأهو والموصاحين أنتووو يااااااااااااويلي آآآآآآآآآآآآآآآآآآآآآآآآآه
عبدالله(عصب على دلع اخته قرب منها وبعصبيه) : ماتفهمين كم مره قلت لك خلاص مدي يدك
نجود : لاء
عبدالله(يصر على ضروسه ) : ألحين نجيدوه
نجود(تصر على ضروسها) : لا ياعبودوه
أسيل تغمز لعبدالله وقربت وثبتتها مع عبدالله من كتوفها بالسرير
نجود(تحاول تفك نفسها) : عبدالله أسيل لا
عبدالله : خذو العينه منها وأخلصووووووو
نجود(بدت تصيح) : لا لا تعورني وربي
محسن : روابي خذي العينه منها
روابي(تحاول تدخل الأبره ولكن نجود حركتها كثيره) : خالي مو قادره
محسن : أنا
زياد : لا أنا أخذها عطيني
نجود : أسيل ياشينك والله أزعلك هديني

زياد(حب يغيضها) : نجود هدا هدا بس الشاطره أنتي شطوره
نجود(عصبت) : شنو قالو لك بزر أنا
زياد(يقرب) : زين يالكبيره لا تتحركين أذا تحركتي تنكسرالأبره فيك وياااااااااااااويلك عاد
نجود(تلف لأسيل) : أسيل أنتي خذي الأبره أهو لاء تكفيييييييين أنتي راضيه فيك تكفيييييين
أسيل : نجود زياد دكتور زين
نجود : والله شكله مايعرف شئ
الكل : ههههههههههههههههههههههههههههههههههههههههههههه
أسيل(تحاول تلهي نجود وتتكلم معها) : نجود وربي يعرف بس يحب يمزح
زياد(أستغل سوالفهن وغرز الأبره بأيدها) .............
نجود(تصارخ) : آآآآآآآآآآآه الله ياخذك أسيلووووووه يالخايسه أأأأأأأأي
زياد : لا تتحركين تنكسر أنا ترى ما أعرف
نجود(تصيح ) : صدق نذاااااااااااااله أأأأأأأأأأأه أنتم نذاله
زياد(يسحب الأبره بشويش) : شفتي خلصنا ومن اليوم نحاول فيك
نجود(تمسح دموعها بعصبيه) : طيب نروح البيت يله
محسن : شنو تروحين البيت أنتي راح تتمين هنا روابي خذي التحاليل للمختبر أبيهن بأسرع وقت
روابي : حاضر
عبدالله : أسيل تروحين معي
نجود(رجعت تبكي) : لا لا تخليني عبود حتى نجد مو فيه
خالد : نجود المستشفى مليان ناس
محسن : وأنا بقول للممرضات ينتبهن لك
نجود:.......................
: نجود ياقلبي أنا
الكل ألتفت للباب وتفاجئ
نجود(تبتسم) : نجد ياروحي أنا
الأب(يرفع يده وكأنه يستسلم) ماقدرت عليها مارضت تروح للبيت لين تشوف نجود
نجد(ضامه نجود) : وأنا أقدر
نجود : ولا أنا أقدر آآآآه ألم فظيع أأأأأأأأي
روابي(توها داخله وتفاجئة بنجد همست لأسيل) : أسيل صدقتي
أسيل(تهز راسها بنعم) : يبه أنت روح وأنا وعبدالله نوصلها للبيت
زياد(طلع ورجع بعد ثواني ومد يده لنجود) : خذي
نجود(تطالع له وتطالع للحبه بأيده) : أيش هذي
زياد : مسكن للألم
محسن : ورني زياد
زياد : شفها خالي مو مسكن
محسن : خذيها نجود بتريحك
نجود : ماني واثقه فيكم
خالد : خذيها وإلا والله نعطيكي أبره تسكن الألم
نجود(تلف لنجد) : نجد ماتخليني صح
نجد : ما بخيلك
زياد : يله عاد خذي
نجود(تاخذها) : ياخوفي منك هااااااات
الكل : ههههههههههههههههههههههههههههههه
أسيل(تهمس لعبدالله) : هذا منوم ثواني وتنام
عبدالله(يبتسم) : نجود ونجد ماراح ينسنه ياويله
خالد(يهمس لزياد) : عطيتها منوم
زياد(يهمس له) : ياأخي طالع الساعه صارت 11 بلا دلع ورانا دوامات وأهلها تعبو معها وأنا مالي خلق أجلس مع هالطفله عندي الأهم منها تبي لها بيبي ستر ومصاصه أووووووووووووووف
نجود سمعته وقبل تتكلم وترد عليه بدى مفعول الحبه وغطت في نوم نجد خافت عليها
عبدالله(حط يده على كتفها ) : لا تخافين نامت يله أحنا نروح
نجد : ماأبقى معها
أسيل(تبتسم) : ونخلي ماما يله أهي تنتظرنا عشان نطمنها على نجود
نجد : يله
روابي : وأنا من يوصلني
محسن : أنا وخالد نوصلك
خالد : زياد نوصلك معنا
زياد : أيه تكفه حدي تعبان
محسن : بكره الساعه 12 موعد العمليه راح يركبون لها مغذي ألحين عشان السوائل
الكل أتجه لبيته والقلوب مع نجود دخلت أسيل ونجد وعبدالله لبيتهم
الأم(بخوف) : هاه يمه بشري كيف أختك
أسيل(تتثاوب) : بخير يمه بكره بيسوون لها عملية الزايده
الأم : يالله سترك
عبدالله(يحب راسها) : لا تخافين مو تبين تروحين لها بدري
الأم : إلا
عبدالله : طيب خلينا ننام عشان أصحى بدري ووديك
نجد(تتثاوب بتعب) : أبي أنام
الأم : يله يمه ننام
عبدالله : تصبحون على خير
أسيل ونجد والأم : وأنت منهم

الجده على الساعه 5 صحت وصلت ونزلت للمطبخ لأنها سمعت حركه في المطبخ


الجده: زيود صباح الخير
زياد : هلا صباح النور يمه
الجده : ليه صاحي بدري
زياد : عندي عملية مهمه وماعرفت أنام
الجده : بنت خالك صح بس أنت رجعت الساعه 12 بالليل
زياد(يشرب النسكافيه) : ماعرفت أنام نمت ساعتين بس
الجده : تبي ترجع تنام
زياد(يطالع ساعته) : لا يمه بروح المستشفى دوامي الساعه 6
الجده : طيب أنا بروح أنام شوي
زياد(ياخذ شنطته ويحب راسها) : نوم العوافي
الجده : طريق السلامه
زياد : الله يسلمك

**************************************


في بيت الخال الأم اللي تعبت من غرفه لغرفه تصحي أسيل وعبدالله

الأم : عبدالله قوم يله
عبدالله : يمه يمه تو الناس
الأم : يايمه صارت الساعه 6 قم
عبدالله : يمه تبين تداومين مع الفراشين تو الناس
الأم : يووووووه منك ياعبود
عبدالله : طيب ربع ساعه بس يمه قعدي أسيل ورجعيلي
الأم(توقف) : وتقعد
عبدالله : أحلف لك
الأم(طلعت من الغرف ودخلت غرفة البنات) : أسيل أسيل
نجد(تلبس ملابسها المدرسه) : يمه ماراح تصحى
الأم : أفففففف أقعد هذي مره وأقعد هذاك مره
نجد : يمه أيش رايك أصحيهم لك بس بشرط
الأم(تضربها على كتفها) : تتشرطين على أمك
نجد : مالي دخل هاه أيش قلتي
الأم : نسمع
نجد : أغيب اليوم وتاخذوني معكم لنجود
الأم : قلت لك من الصبح لا غياب لا
نجد : خلاص صحيهم ياأم عبدالله أنا نازله أفطر الله يعينك
الأم : أيه والله الله يعيني ياأسيل أسيلوه ووووووجع قومي


****************************************


نعود لمريضتنا الطفوليه ............

نجود بدت تصحى ومالقت أحد حولها ضلت بسريرها لأن لبس المستشفى قصير دقت الجرس لأن الألم فضيع وتبي تقول للسستر
بشاير : صباح الخير
نجود(شافت بشاير وسكتت) : صباح النور بشاير محد جاء
بشاير : تو الناس الساعه 7 نجود فيه ألم
نجود : لاء بشاير بصلي أبي لبس صلاه
بشاير(فتحت الدرج) : تفضلي جلال وسجادة صلاه
نجود(تحاول توقف بس الألم أشتد عليها) : أأأأأأي
بشاير(تسندها) : أنا معك
نجود : بدخل الحمام ( وأنتو بكرامه) بتوضأ
بشاير(تبتسم) : معاك للآخر يله
زياد(يدخل الغرفه) : السلام عليكم
نجود(لفت الجلال عليها) بشاير : وعليكم السلام
زياد(أبتسم) : وين رايحه
نجود : بصلي
زياد : أنتي يالله يالله واقفه رجعي شطوره
نجود(عصبت على أستهزائه) : مالك دخل بشاير خليني بروحي
بشاير(بعدت عنها) : على راحتك
دخلت تتوضأ وأهي بأقل حركه كانت تتألم بس خافت تقول يعطونها أبرة مسكن

**************************************

في بيت حمد..........

مناير(نازله وقعدت ) صباح الخير
حمد و الأم : صباح النور
مناير(تصب لها حليب) : يمه شنو رايك باللي حصل أمس
الأم : نجود الله يشفيها
مناير : لا لا أقصد أسيل كيف سكتت عمتي سهام
الأم : ماشاء الله عليها قدرت عليها بس أهي أيش قالت لها ماعرفتي
مناير : لاء حمد أهي كانت قاعده عندكم ماعرفت شئ
حمد : ليه قالو عني فضولي وبعدين أنا ماعطيتها بال كلش
مناير(بخبث) : لمن السالفه ولا أسيل
حمد(عصب) : منايروووووه كلي وأنتي ساكته
الأم : إلا أهي صدق مخطوبه لمازن سويلم
مناير : يمه من ذا
حمد : أيه يمه سمعت وبعدين مناير أنتي أيش دخلك فيه تسألين عنه
مناير : هاه ولا شئ
الأم : خساره لومهي مخطوبه كان خطبتها
حمد(بخوف) : لمنو يمه
الأم : يعني أخطبها لي لك طبعا
حمد (يوقف) : أعوذ بالله أنا آخذ هذي
مناير : علامها تهبل
حمد : هبل بعينك أولا أم لسانين وثانيه كأنها ضفدع على نظارتها اللي لابستهن
الأم : يايمه لا تقول كذا عن بنت عمك
مناير : وبعدين أهي أم لسانين على اللي يغلط عليها ونظارتها أهي صح كبيره وبشعه مدري ليه تلبسهن ليه ما تاخذ نظارات على الموضه
حمد (بسخريه) : وليه ما سألتيها يا فالحه
مناير(تبتسم) : وليه صار فيك فضول فجأه
حمد : جب يمه أنا رايح للشركه وأنتي (يقصد مناير) روحي لا تتأخرين على الجامعه
مناير : أن شاء الله
الأم : حافظك الله بس ترى راح نزور بنت عمك اليوم
حمد : أنا مشغول روحن أنتن
الأم : عيب يمه
حمد : يمه مشغول بأرسل لهم باكيه ورد يله مع السلامه
الأم ومناير : مع السلامه
مناير : وأنا بعد بروح لا أتأخر على الجامعه باي ماما
الأم : بحفظ الله


************************************************** ********


بدى القلق يسري لقلب بشاير وزياد لما نجود تأخرت

بشاير(تطق الباب) : نجود نجود
زياد : علامها ماترد
بشاير : والله مدري نجود نجودي
زياد : نجود
بشاير(تفتح الباب) : الحمد لله ماقفلته نجوووووووووود
نجود أغمى عليها من شدة الألم
زياد(شالها وطلعها) : أستدعي خالي بسرعه
بشاير : أن شاء الله ثواني بس
زياد(حطها على السرير) : نجود نجود أصحي نجود
محسن(يدخل بسرعه) : زياد أيش حصل
زياد : مدري أغمى عليها كانت تبي تصلي
محسن(يضغط على مكان الزايده) : قل لهم يجهزون غرفة العمليات
بشاير : ألحين تدخلونها
محسن : لازم نسويها بسرعه بلغي الدكتور سالم أنه راح يساعدني بالعمليه
زياد : وأنا
محسن : أنت شنو
زياد : خالي أنا جراح بعد خلني أتولاها
محسن : ماعندي وقت أناقش أوكيه تحت أشراف الدكتور سالم موافق
زياد(يبتسم) : موافق
محسن : بشاير جهزوها للعمليه بسرعه
بشاير(تضغط على الجرس) : حاضر
الممرضه (مها) : آمري سستر بشاير
بشاير : مها الدكتور محسن أمر نجهز المريضه نجود وننقلها لغرفة العمليات جيبي سرير واللبس بسرعه
الممرضه : ثواني ويكون كل شئ جاهز

في المدرسه.......

آمنه : نجد نجوده وين
نجد : بالمستشفى
مها : ليه خير
نجد : صابتها الزايده
آمنه : شلون صابتها من أكل يعني شئ معين
نجد : الحمد لله والشكر أيش عرفني لما أتخرج وأدخل طب أشرح لك
أشواق : ألف لا باس عليها
نجد : تسلمين لي
فضيله (من وراهن) : سلااااام ياحلووووووين
البنات : بسم الله علينا
فضيله(تغمز لنجد) : إلا وين أختك
نجد : بالمستشفى تعبانه بالزايده
فضيله : لالا حسافه
مها : شنو حسافه
فضيله (تلف لها) : ليش الحشريه ياحلوه
آمنه : أسمحيلنا الجرس ضرب
فضيله : ولو مسموحات
نجد (تهمس) : يارب عد هذا الشهر على خير
البنات : آميييييييييييييييييييييييين

************************************************** **********


أما في بيت الخال.............

أمل(توها صاحيه ونازله) : السلام عليكم
الأم : وعليكم السلام خير وين كاشخه وطالعه يابنت خلف
أمل : يووووووووه طالعه مع مرح صاحبتي للسوق
الأم(تطالع الساعه ) : الساعه 10 بدري على السوق
أمل : يمه بنتفطر بالأول وبعدين نتسوق
ترفه(نازله ) : من ذي
أمل (بدون نفس) : مرح
ترفه : ماتبين تزورين بنت عمتك أحسن
أمل : أنا ما أحبها ليه أزورها
الأم : وأهي صادقه
ترفه : وأنتي بعد يمه
الأم : ترفه روحي لشغلك دام النفس عليك زينه بلا مثاليات
ترفه : طيب طيب مع السلامه
أمل(تكش عليها وأهي طالعه) : مالت عليك وعلى بنات عمتك أنا رايحه باي
الأم : زين لا تتأخرين
أمل : أن شاء الله
عابد: السلام عليكم
الأم : وعليكم السلام علامك راد بدري من الشغل
عابد : ولا شئ
الأم : إلا أيش صار على سالفتك أنت وعايشه وأعتقد باقي 3 أيام على موعد أبوها
عابد(يبتسم) : بكره يمه بتكون معي لي راح آخذها للشرقيه عمي متعب مجهز كل شئ
الأم (تبتسم) : عفيه ولدي


************************************************** ********

بدت تصحى من تأثير المخدروتحس بألم

نجود : آآآآآآه يمه
الأم : قلب أمك الحمد لله على سلامتك
نجود : الله يسلمك شنو حصل يمه
الأم : الحمد لله سوولك العمليه وأنتي بخير
نجود : يمه جنبي يوجعني كثير
الأم : معليش يمه مكان العمليه
نجود : كم صار لي
الأم : 4 ساعات
نجود : بنام يمه
الأم : نوم العوافي نامي يمه
محسن مع روابي يدخلون : السلام عليكم
الأم : وعليكم السلام
محسن : هاه ياأم عايشه
زهره : أم عبدالله ياأبو أحمد
محسن(أبتسم) : ياأم عبدالله صحت نجود ولا بعد
زهره : لا صحت ورجعت نامت
محسن : زين الحمد لله العمليه تمت بخير وراح تاخذ وقت تقوم وترجع تنام لا تحاتينها هذا من تأثير المخدر ياخذ له وقت
عبدالوهاب(يدخل) : السلام عليكم
الكل : وعليكم السلام
عبدالوهاب : هاه طمنوني عليها
محسن : الحمد لله حالتها مستقره
عبدالوهاب : الحمد لله زهره شلونك
زهره : الحمد لله
محسن يغمز لروابي وطلعو وخلوهم بروحهم بهدوء
عبدالوهاب : شلون البنات
زهره : ههههههههههه الله يهداك مهن معك البارح
عبدالوهاب : والله موعارف أيش أقول أنا
عايشه(تدخل) : أوووه هلا أبوي
عبدالوهاب(وهذا وقتك) : هلا عايشه كيفك
عايشه : بخير يبه
عبدالوهاب : طيب أنا أستأذن بمر المغرب تكون صحت
عايشه : أجلس يبه أنا برجع البيت أجيب كم غرض لأمي ونجود وماأبي أخلي أمي بروحها
الأم : ليه بزر أنا
عايشه(تغمز لأبوها) : ماعاش من قال كذا يله مع السلامه
الأب(يبتسم فهم على بنته) : مع السلامه (ألتفت لزهره) زهره حاب أتكلم معك بموضوع
زهره : آمر ياأبو فهد
عبدالوهاب : من يوم أفترقنا وأنا أتمنى نلتقي ونرجع لبعض يازهره أنا من يوم شفتك وكان عمرك17 سنه حبيتك وتزوجت وأنا صغير رغم أن أهلي عارضوا وشرطو أتزوج تهاني عليك وافقت ولا أعترضت وصارت ذيك السالفه أنا أعترفلك أني تسرعت بس وربي حاولت ارجعك بس أخوانك قالو أنك تزوجتي صدقيني ندمان وربي ندمان وأتمنى نعيش مع بعض مع بناتنا ونعوض السنين اللي فاتت
زهره : ياعبدالوهاب صعب بهذا العمر نرجع لبعض أيش بيقولون الناس عنا
عبدالوهاب : ماهموني وبعدين مو من كبرنا تكفين لا تحرميني من قربكم فكري وردي لي جواب
زهره : ما أوعدك بس أفكر
عبدالوهاب : يله أنا بروح وكلي أمل تقررين لمصلحت الكل مع السلامه
زهره : مع السلامه

على الساعه 2 الظهر وصلت مها نجد لبيتهم لأنهم جيرانهم

نجد(تلف لمها) : مشكوره ياقلبي
مها : العفو ماسوينا شئ إلا نجد
نجد : هلا
مها : مو هذي عايشه
نجد(تلف) : هذي أهي بس ليه عابد وخالي ماسكينها بالغصب
مها : شوفي شوفي كأنهم يركبونها السياره غصب وحركوا على وين أخاف صاير شئ لنجود
نجد(بخوف ) : نجود مها تكفين لا تروحين لحظه
مها : أنتظرك ماهر لا تتحرك
دخلت نجد البيت بشويش ماكان أحد موجود غير وسميه اللي تتكلم بالتلفون
وسميه : أيه ياأم عايض توهم حركوا ................ راح يكونون على الساعه 6 عندكم بأذن الله ............ أدري ياوخيتي أنا كان الموعد بعد بكره بس أمها مهي هنا عند أختها وعلى ما يفقدونها يكونون تزوجوا وزفيتوهم ................... هههههههههههههههههههه لا لا محد عرف.............. أيه صادقه عاد ذاك الوقت حللي متى يطلقونها منه
نجد(حطت يدها على فمها قبل تطلع الشهقه وتحس وسميه فيها طلعت مثل مادخلت بدون ماتحس وركبت مع مها وكانت ترجف)
مها(بخوف) : نجد بسم الله عليك علامك
نجد(ودموعها بعيونها ) : مها تكفين أحب يدك خذيني لأمي عايشه بخطر أرجوك
مها(تضمها) : بسم الله نجد لا تترجين ياقلبي انتي آمري بس امك أيش راح تسوي أبوك أحسن
نجد : لا لا أمي لأن اسيل موجوده هي تعرف تتصرف
مها : حاضر حرك للمستشفى ماهر وبسرعه
نجد : مها عطيني جوالك عفيه بدق على عبدالله
مها : خذي
نجد : ألو .....عبدالله
عبدالله : من
نجد(تصيح) : أنا نجد عبدالله ألحق علينا
عبدالله(بخوف) : نجود صار فيها شئ أمي علامك نجد
نجد : لا هذي عايشه خالي وعابد أخذوها
عبدلله : خذوها وين وليه
نجد : للشرقيه عبود أنا عند أسيل بالمستشفى راح أكلمك من عندها
عبدالله : أنا جايكم للمستشفى
نجد(تسكر الجوال) : مشكوره مها
مها : العفو طمنيني عنها نجد
نجد : أن شاء الله
نجد(نزلت وصارت تركض بالممرات واهي ترجف وفجأه طراااااااخ) : عمى ماتشوف
زياد : آسف مو أنتي نجد
نجد(رفعت راسها) : من زياد
زياد : علامك ترجفين فيك شئ
نجد : عايشه عايشه وين أسيل
زياد : مدري علامها عايشه
نجد : هاه هذي أسيل جت
أسيل(تركض لهم) : نـ...جـ...د
زياد : خذي نفس علامكم اليوم بس تركضون
أسيل(تاخذ نفس) : نجد أيش حصل لعايشه عبدالله أتصل على بس مافهمت شئ
نجد(بدت تصيح) : أنا وصلت وشفت خالي وعابد يدخلونها السياره غصب بعدها دخلت البيت حصلت وسميه تتكلم مع مرت خالي متعب وتقول أنهم جايينكم بالطريق
أسيل : عايشه رايحه تجيب أغراض أيش موديها للشرقيه
نجد : لأن الليله راح تتزوج عابد
أسيل(شهقت) أهئئئئئئئئئئئ الليله
زياد : أنا مو فاهم شئ
أسيل : كملي وبعديييييييييين
نجد : مدري قالت شئ مو فاهمته تقول ألحين خلي أبوها يعرف كيف يطلقها
أسيل : أبوي
عبدالله(وصل لهم) : أيش صاير
أسيل : عابد أخذ عايشه للشرقيه بيعرس الليله(طلعت جوالها) ألو.... هلا يبه وينك فيه....... طيب بسألك سؤال أنت طلبت من عابد يطلق عايشه............متى ............طيب هاه لا لا ولاشئ كل شئ بخير.................. يبه لا تحاتي باي
عبدالله : أيش حصل
أسيل : أبوي قايل لعابد يطلق عايشه وعنده أسبوع وخالي وعابد مو راضين فقرر يتزوج اليوم ويحطون أبوي قدام الأمر الواقع
نجد : وليه ماقلتي لأبوي عن اللي صار
أسيل : خفت أحنا نتصرف نجد كم صار لهم
نجد(تطالع ساعتها) : نص ساعه أظن
زياد : المشكله أنها لا زالت زوجته مانقدر نبلغ عنه
أسيل(تبتسم) : لا يادكتور مهما كان هذا خالي وأبو اعز أخواني ماتوصل لهذا الحد
عبدالله : هذا اللي كاسر ظهورنا كيف نتصرف
زياد : أحنا كذا نضيع الوقت
أسيل : نجد روحي لأمي ولا تقولين لها شئ أبدا
نجد : وأذا سألتني عن عايشه
أسيل : قول لهــ.....
الأم(من وراها) : تقول لي شنو
أسيل(تلف) : يمه
الأم : أنا شفتك تركضين حصل شئ فيكم إلا وين عايشه تأخرت
نجد بدأت تصيح.....
الأم(بخوف) : عايشه حصل فيها شئ تكلمووووووو
أسيل : يمه خالي أخذها للشرقيه
الأم (زاد خوفها وتسارعت ضربات قلبها) : يعني شنو
عبدالله : عمي عبدالوهاب طلب من عابد يطلق عايشه وأهو رفض وقرر ياخذها ويتزوجون الليله عند عمي متعب بدون ما نعرف
الأم : عبدالله خذي للشرقيه ألحين ألحين
أسيل : يمه أيش راح تسوين
الأم : في الطريق أخبركم
نجد : وأنا يمه
الأم : جلسي عند نجود يمه ديري بالك على نفسك وعلى أختك وحذاري حذاري عن سوالفكن
نجد : طيب فاهمه
الأم : زياد يمه أنتبه لبناتي لين أرجع
زياد : تامرين ياخاله وطمنونا عليكم
عبدالله : يله يمه

********************************************

فـــي الــشــرقــيــه..........


متعب : حسنه حسنه
حسنه : ياعونك هلا
متعب : وين عايض ومحمد
حسنه : بالمجلس خير
متعب : لا مافيه شئ إلا غرفة المعاريس جاهزه
حسنه : أيه جهزناها وهيا جالسه تبخرها إلا بس عابد وأبوه بيجون
متعب : أيه بس
حسنه : وزهره
متعب : لا ماراح تجي عشان بنتها تعبانه
هيا : السلام عليكم
متعب وحسنه : وعليكم السلام
هيا : يبه عمتي مولازم تحضر عرس بنتها
متعب : مامن عرس بس دخله وبس
حسنه : زين أهم 3 ساعات راح يكونون فيه أن شاء الله
متعب : أن شاء الله هالله هالله بالعشى الزين ولا تنسين عشى المعاريس
هيا : عاد هذا تكفل فيه عايض يقول أنا بجيبه فرحان بخويه
متعب : زين أنا بالمجلس يله
حسنه : هيا نادي على أختك خلينا نجهز العشى بدري
هيا : حاضر يمه ثواني بس

************************************************** **

* بدت الأستعدادات للحفله بس !!! هل تتم ولا يلحقون على عايشه ؟؟؟!!!
* كيف بيتصرفون ويبطلون الزواج خصوصا انها زوجته بالشرع!!....
* هل تعود مجريات الحياه بين زهره وعبدالوهاب ....
* سمعنا عبدالله يقول ماراح ينسنه ياويله... شنو نجد ونجود محضرات لزياد ^_^ !!!!!
* لا تحرموني من توقعاتكم لأحداث البارت الجاي.......

************************************************** ****************************
الــــــــــبــــــــــارت الــــــــــعــــــــــاشــــــــــر

************************************************** *****************************





في المستشفى



نجود بدت تصحى وتلفت حولها
نجود : نجد
نجد : صح النوم صارلي ساعه هنا
نجود : أمي فين أنا يوم نمت كانت موجوده
نجد : راحت البيت تجيب أغراض
نجود : كم الساعه
نجد (تطالع الساعه): ثلاث وربع
نجود : نجد بصلي ما صليت ولا صلاه
نجد : تقدرين تتحركين
نجود : ساعديني
نجد (تبتسم): يـلـه
كانت نجود تتألم بشده بس فرضها مهم كانت نجد معها خطوه بخطوه تتوضأ
زياد (دخل): السلام علـ........ يا ربي هذلن وين
زياد : لا يكون جا خالهن و أخذهن يا ويلي والله
نجد ونجود (سمعنه وأهن طالعات):هههههههههههههههههههههههههههههههههههههههههه هه
زياد (يأخذ نفس): أوووووووه خوفتني أيش تسون
نجد : نجود ما صلت و ساعدتها تتوضأ
زياد : والله مو صاحيات
نجود (بعصبيه): أيه مأنا بزر
زياد (تعجب): بزر ما فهمت
نجد (تساعدها تجلس): بشويش يا قلبي
نجود : سلامتك إلا أنت إيش جابك أنا اللي أعرفه أنك مشغول و ما عندك وقت تجلس مع طفله
زياد : ههههههههههههههههههههههههههههههههههههههههههههههههه
نجد : زياد أهي أمس عذبتكم صح
نجود (بعصبيه): نـــجــــد أأأأأأأي يا خـايـسـه خليتيني أعصب آآآآه
نجد (بخوف):عـلامـك
نجود : مكان العمليه يألمني
زياد (بخبث): أجيب لك مسكن
نجود (بخوف): لا لا لا لا
زياد : ما قلت لك طفله ههههههههههههههههههههههههههههه
نجود (تدمع عيونها): والله أعلم أمي عليك
نجد و زياد : هههههههههههههههههههههههههههههههههههههههههههههههههه ههههههههههه
نجود (بعصبيه): طلعوا بره أثنينكم براااااااااااااااااااااااااااااااا
نجد و زياد طلعوا عنها و أهم يضحكون عليها
زياد : نجد أهي كذا دوم
نجد : أمممممم لا بس عند شئ أسمه أبره
زياد : وأنتي
نجد : وأنا أيش
زياد : ما تخافين
نجد (تهز راسها بلا): لا
زياد (يبتسم): طيب أيش اللي يخوفك
نجد (تبتسم): ههههاي أنا مو بهذا الغباء
زياد : أيش تقصدين
نجد : أقصد أقول عن نقاط ضعفي
زياد : يعني مو نقطه نقاط
نجد : أيه طبعا
زياد : طيب نقطه وحده وحده وحده بس
نجد : لحووووووووووووووح أنت
زياد (يبتسم): وأنت عقلك أكبر من سنك
نجد (بحيا): شكرا هذي شهاده أعتز فيها بس لا تمدحني ما راح أقول نقاطي
زياد : ههههههههههههههههههههههههههههههه
نجد : أنا بروح لنجود عن أذنك
زياد : تفضلي
زياد (في نفسه): ياوووووويلي أنا بين نارين طحت يا زياد ولا حد سمى عليك
زياد (يدق على فراس): ألو فراس
فراس : هلا زياد
زياد : أسمع في شئ حصل ولازم تعرف
فراس (بخوف): خير نجود فيها شئ
زياد : لا هذي عايشه أسمع .................................................. ...(وبدى يقوله كل السالفه)
فراس (بعصبيه): لييييييييييييييه ما قلتولنا
زياد : خاله زهره قالت راح تتصرف
فراس : كم صار لهم
زياد : تقريبا ساعه
فراس : أوكيه باي
زياد : باي
فراس خبر أبوه باللي قاله زياد له وطلع عبدالوهاب ووعياله فهد وفراس و راشد وراح معه محسن و سعد و أحمد و مشعل للشرقيه وكلهم أمل يلحقون على عايشه قبل دخلتها على عابد طلب عبدالوهاب من الجد تروح عند التوأم بالمستشفى و طلبتها رنا تروح معها ووافقت الجده

نجود (تتألم): أأأأأي يا نجد ألف و ألف وجع أحس فيه
نجد : خليني أقول لبشاير أو ترفه أو زياد
نجود : لا والله عشان يعطوني مسكن لا ما أبي
نجد : علامك نجود يعطونك حبوب مو لازم أبر
نجود : لا والله وليه أخاطر عاد لا أمي ولا أسيل هنا و زياد ما يحب يضيع وقته مع طفله
نجد : أيش سالفه طفله ثاني مره تقولينها
نجود : مالت عليه يسمي خوفي من الأبره دلع و أني طفله أحتاج مصاصه و بيبي ستر
نجد: ههههههههههههههههههههه خطير زياد تصدقين يقول حاب يعرف شنو نقاط ضعفي
نجود : بيبطي هههههههههههههههه
نجود : آآآآآآآه لا تضحكيني آآآآآآآح فظيع الألم يااااا يمه يمه
زياد (يدخل مع الجده و رنا): كأني أسمع أحد يتوجع
الجده و رنا : السلام عليكم
نجد و نجود : وعليكم السلام
يسلمن عليهن و يتحمدن لنجود بالسلامه
زياد : نجود تتألمين
نجود : ...................................
زياد (بخبث): نجوووود بابا في أح
نجود (عصبت): بابا في عينك
الجده و رنا و نجد :هههههههههههههههههههههههههههههههههه
الجده : زياد أعقل عنها
زياد : يا يمه أنا طبيب و من واجبي إذا المريض تألم أساعده
نجد : زياد لا تستغل نقطه ضعفها أنت فاهم
رنا : حرام عليك زيود أنسى أنك طبيب شوي
زياد (حب نظرة الخوف على نجود): لا لا لازم تتألم كذا حراااااااااااااااااام
نجود : من قال لك أتألم أنا بخير
الجده : زياد ما عندك شغل غير نجود
زياد (يقعد جنب جدته): لا بس خالي محسن كاتب لنجود على أبر مسكنه للألم و حاط لها مواعيد
نجود (بخوف): أحــلـــف
زياد : والله و غصبن عليك تأخذينها فاهمه
نجد : زياد سألتني عن نقطة ضعفي وحده بس صح
زياد : صح
نجد : نجود أول وأهم نقاط ضعفي
نجود : وأنت يازياد وربي ماتقدر علينا
نجد : فلا تتعب أعصابك
نجود : وماراح آخذ الأبره غصب
نجد : ولا تقلب السحر على الساحر
نجود(ترفع حاجبها) : فاهم
رنا : ههههههههههههههههه فظيعات واااااااااااااااااااااو
الجده : خلاص زياد
زياد(يوقف) : عناااااااااد راح تاخذينها وغصب يانجود ونشوف أيش تسوين يانجد ثواني بس وأجيبها
رنا : يسويها أخوي
نجد : طيب يحصل خير
الجده : لا حول ولا قوة إلا بالله حشى راحو وخلوني مع بزران
دخل زياد ومعه الأبره شايلها وغمزت نجد لنجود اللي ميته خوف كل ما قرب منها زياد بالأبره
زياد : يله بكل هدوء فسري عن يدك
نجود(بخوف) : هاااه
زياد : لا تبدين قلت بكل هدوء فسري يله
نجود(تمد يدها) : فسرها انت مو انت تبي تضرب الأبره يله
زياد(يحط الأبره على الطاوله) : أفففف طفله طيب أفسرها أنا
نجد(سحبت الأبره وضربتها بأيد زياد بكل خفه وأتقان ) : .................
زياد : أأأأأأأي أيش سويتي
نجد : أحنا حذرناك ونعرف نطق الأبر بعد ما يبيلها طب
نجود : وألحين ناااااااااااام أنت ياولد عمي
زياد(اللي بدت الدنيا تظلم بعيونه ) : ياخايسااااااااات
الجده : هههههههههههههههههههههههههه
رنا : زياد وربي نكته
نجود(تغمز له) : وأنقلب السحر على الساحر
ثواني وزياد قعد على الكرسي وغط في نووووووووووووووم
الكل : هههههههههههههههههههههههههههههههههههههههههههههههههه هه
رنا : نجد خطيره تعرفين للأبر بخفه ضربتيها
نجود : أحنا نعرف لأن أمي فيها سكري وماتحب تروح للمستشفيات فأسيل علمتنا كيف نعطيها أبر السكري
نجد : وبعدين ميولنا طب
رنا : طب نجود الأبره تخافين منها كيف تدخلين للطب
نجود : أنا أب صيدله نجد تحب الجراحه كثير
الجده : ماشاء الله عليكن
نجود : وأنتي رنا
رنا : أنا مدري ضايعه
نجد : ههههههههههههههه بدى شخير
الكل : هههههههههههههههههههههههههههههههههههههههههههههههههه هههههه


************************************************** *************



على طريق الشرقيه في سيارة عبدالله ....................


عبدالله : يمه كيف ننهي الموضوع بدون مشاكل
الأم : موعارفه خايفه على عايشه الله يستر
عبدالله : الله يستر أسيل من ركبنا وأنتي ساكته
أسيل : أفكر كيف نحلها بدون مشاكل
الأم : فكرو بشئ ماباقي شئ ونوصل
أسيل(ترد على جوالها) : ألو....... هلا يبه......... أحنا قربنا منهم............ أنت وين.......... طيب حاضر باي
الأم : أبوك أيش يبي
أسيل : يقول ننتظره عبدالله وقف جنب أبوي قريب
الأم : وعايشه
عبدالله(يهدي سرعة السياره) : يمه يعني المغرب بيدخل توها الساعه 6 خلينا ننتظر
الأم : اللي تشوفه

في بيت عبدالوهاب...............

هيام(نازله ) : هاي مام
تهاني(اللي من كثر مهي متنرفزه ماانتبهت لبنتها) ......................................
هيام(تحط يدها عل كتف امها) : أيش فيك
تهاني(بعصبيه) : أيييييييش فيني اللي فيني أبوك اللي بيذبحني
هيام(تعدل طرحتها) : خير شنو فيه بعد
تهاني : رايح ينقذ بنت ست الحسن والدلال عايشه
هيام : ينقذها من شنو
تهاني : من ولد خالتها اللي أخذها للشرقيه مدري يبي يدخل أو يعرس الليله وأبوك مو راضي
هيام : شنو فيها طيب مو بنته
تهاني : شنو فيها أحر ماعندي أبرد ماعندك أقولك معها مع زهره
هيام : ماما يني شنو أسوي لك أوكيه أنا طالعه مع طيف
تهاني : روحي وأنا بطقاق
هيام(تحبها على خدها) : ماعاش من خلاك تعالي معنا راح تنبسطين بدل الجلسه هنا
تهاني(تبتسم) : لا روحي وفرحي بدري عليك الهم
هيام : باي
تهاني : باي



************************************************** ****


نعود لطريق الشرقيه .................

وصل الأب اللي باين عليه معصب ووقف جنب سيارة عبدالله ونزلووو

عبدالوهاب(بعصبيه) : وليه ماقلتو لي من أول ماأخذها
زهره : يعني كيف راح تتصرف
عبدالوهاب : أبلغ الشرطه عنه
أسيل : يايبه أهي زوجته ما يعتبر خطف
زهره : عبدالوهاب أنا خايفه عليها
فراس : ياخاله بتكون بخير بأذن الله
محسن : ياجماعه خلونا نصلي المغرب وكل شئ يهون بأذن الله
الكل : والنعم بالله
وصلو لمسجد ودخلت أسيل وأمها مصلى نساء وبعد ما صلن قعدت زهره تقرأ قرآن وأسيل تسبح بأيديها لفت نظرها وحده بعد ما خلصت من الصلاه قامت تعدل مكياجها
أسيل(أبتسمت وفي نفسها) : فاااااضيه أكيد عروس بس ياحلوو خطتها هيييييييييييييييه أسيل شنو تفكرين نسيتي اختك وقمتي تفكرين بهذي العروس (لمعت الفكره براسها ) عروس عروووووووس صح كل عروس محتاجه مزينه هذي أهي
(لفت لأمها وحبت راسها) يمه يمه
الأم(سكرت المصحف) : خير يمه
أسيل : يمه عرفت كيف نطلع عايشه من عندهم لا ونخليهم يطلقونها بدون محاكم ومشاكل
الأم : كـــــــــيــــــــــف
أسيل : سمعي طلبي من بنات خالي يجيبن مزينه لعايشه مو عروس
الأم : منت صاحيه أنا بطلعها وأنتي تبينها تحلى بعيونه
أسيل : لا لا مو قصدي يمه فهميني بيطلبن مزينه لها وانا بنتظرها برى البيت ويوم تجي بقول هونا وبعطيها فلوس وانا أدخل بدلها وأتحجج أنها ماتقدر تجي وأرسلتني وأبدل المكان مع عايشه وتطلع ويجي أبوي ويهددهم يبلغ الشرطه لانهم أخطفوني وأهم يخافون ونشرط ما نبلغ أذا طلقوها وبيخافون من الفضيحه ويطلقون
الأم(تحب راسها بفرح) : الله يرزقك ويوفقك يابنتي
أسيل : ويخليك لي يله خلينا نقول لأبوي
خبرت أسيل أبوها بالخطه بس رفض لأنه خاف تنكشف أسيل بس أصرارها لتنفيذ الخطه وافق أسيل طلبت من فراس تروح لأي مجمع قريب لأنها محتاجه للبس وعبايه كشخه والأهم عدسات خضره وقبل تروح معه
أسيل : يمه تذكري لا تصعدين لعايشه أبدا
الأم : ليه يمه بتطمن عليها
أسيل : يمه أذا شفتيها وتبادلت معها الأماكن وحلفوك من شفتي بالغرفه يوم جيتي ماراح تكذبين صح
الأم : صح
أسيل : خلاص تحججي بتعب الطريق أي شئ بس لا تشوفينها
فراس : يله عشان مانتأخر
أسيل : يله
عبدالله : حتى حنى يمه خلينا ندخل
الأم : يله
أدخلت زهره وعبدالله للمجلس تفاجئو أخوانها بوجودهم ماصار لعابد وابوه نص ساعه واصلين
زهره(بأستهزاء) : عفيه أخواني تقررون ولا تقولون لي ما كأنها بنتي
خلف : كل شئ صار فجأه بعدين أنت أيش جابك هنا ومن قال لك
زهره : نجد شافتكم وسمعت وسميه يوم كلمت حسنه قلت دام كذا أحضر وأكون جنب بنتي
خلف: ألحين أنتو جايين بروحكم ولا معكم أحد
عبدالله : لا بس أنا وأمي
زهره : ليييييييييه تبون تحرموني من ليلة بنتي وفرحتي فيها
عابد : ليه ياعمه أبوها ماقال لك أنه هددني اطلقها يايرفع قضيه علي
زهره(تحلف لأن أسيل اللي قالت لها) : والله ماقال لي وأنتم تعرفون أني ما أحلف كذب
متعب : خلا ص كل شئ صار زاهب وتبين تشوفين بنتك روحي لها مافيها إلا كل خير محمد وصل عمتك
محمد : تفضلي ياعمه أنا معك
زهره : تسلم ياولدي والفال لك
محمد(بحزن) : ياعمه اللي أبيها ماتبيني
متعب : أنت لو تقول من والله تاخذها غصب عنها
عايض : المشكله ماتتكلم قل من ذي
محمد(طالع له وطالع لعابد وبنظراته قرف منهم) : أنا لاني عابد ولا عايض عشان أتلذذ بغصيبة بنت الناس علي حياك عمه
زهره : بسم الله عليك أهي خسرانه والله يرزقك باللي أحسن منها
دخلت زهره وسلمت على حسنه وبناتها اللي أستقبلنها بفرح
حسنه : والله ذي الساعه المباركة والله يهنيهم
زهره : أمين هيا نوره طلبتكن أبي تكون عايشه بأحلى زينه شوفن لكن مزينه تكفن يا بناتي
هيا : أفااااا ياعمه أنتي ماتطلبين تامرين بس قلت لها ورفضت أنا أعرف وحده تسوي مكياج عرايس رهيب بس ماقتنعت
زهره : أطلبيها ألحين وأهي غصب عليها ترضى
هيا : براحتك ألحين بتصل عليها
حسنه : ماتبين تشوفينها
زهره : والله ياوخيتي تعبني السفر فجأه ويوم تخلص من زينتها أشوفها
حسنه : براحتك نوره جيبي القهوه والتمر لعمتك
نوره : أن شاء الله يمه
حسنه : من جابك هنا
زهره : حبيبي ونور عيوني عبدالله
نوره قلبها تسارع ضرباته لما سمعت بطاري عبدالله أهي تحبه بس كاتمه هذا الحب من الصغر
خلف : عبدالله أبو عايشه درى عن اللي صار
عبدالله : لا يبه أبوها ممكن يسبب مشاكل
عابد : مثل يبلغ الشرطه ما أهي زوجتي
عبدالله : لا ممكن يجي هنا ويسبب لنا فضايح مع الجيران مهما يكون أحنا أهل
متعب : كفووووووووو والله
أنطق جرس الباب وقام عايض يفتحه............
عايض : خير أختي
: موهون بيت مستر متعب
عايض : أيه من أنتي
: ماأنا أم يزن دأو على الصالون مشان أم يارا بس هي ماأدرت تجي وبعتتني لتزيين عرس <<<<عرفتوها أسيل
عايض : والله مدري ماقالو لي
أسيل : أييييييييييييييف ياخي إزا ما بتعرف روح أسأل لشو موأفني بهيدي الخيسه وإزا مابدكون بدأ على أبو يزن يأطع أبو يزن على يزن على اللي يشتغل هيك شغل

عايض : أووووب بس بس دخلي الحريم داخل
أسيل : أييييييه كان هيك من الأول ولو بعد لأفوت
عايض : ايه فوتي
أسيل : دخلت الصاله كانت متلثمه بطرحتها وباين عيونها الخضراء بس
أسيل : السلام عليكم
الكل : وعليكم السلام
هيا : خير أختي
أسيل : بونجور ماأنا المزينه أم يزن اللي طلبتوها
هيا : أنا طالبه أم يارا فين إهي
أسيل : أيه أم يارا صارت مع بنتها حمى كتير كتير وخطيييييي ماأدرت تخليها وبعدين أزا مابدكن خلا ص بمشييييي
زهره(اللي عرفتها) : لا لا ياهيا خذيها لعايشه ما عندنا وقت
هيا : ياعمه ما أعرف شغلها
أسيل : ييييييييييييه شغلي راح يعجبكن كتيييييييييييير جربيني ما بتخسري
زهره : يله يمه بسرعه
هيا : حاضر حياك معي
صعدت أسيل وهيا ودخلت غرفه كانت مقفله بمفتاح مع هيا وشافت عايشه اللي ذابحه نفسها من الصياح
أسيل(تدارت دمعها على حالة اختها وفي نفسها) : ياقلبي عليك جيت ياعمري انتي بسك بسك
هيا : عايشه هذي أم يزن المزينه
عايشه(بعصبيه) : ماااااااااأبي قلت لك ماأبي
أسيل : ليك أنت عروس
عايشه : أنتي جب شنو دخلك ذلفي
هيا : عمتي زهره قالت لازم تتزينين وتصيرين أحلى عروس
عايشه (متفاجئه) : أمي هنا وليه ماجت
هيا : لما تجهزين راح تشوفك هي قالت
أسيل(تغمز لها) : يله ياعروس مشان الماما
عايشه(مافهمتها) : وأنتي أيش دخلك طلللللللللللللعي
أسيل(تنرفزت غبيه غبيه) : ليك خطيبي مازن راجع بعد كم يوم من امريكا وما بدي تحصل مصيبه توأف فرحي
عايشه أنصدمت أسيل عرفتها وفهمت كلامها بس هيا مو فاهمه شئ
أسيل : ها بدك أعملك ميك أب ولا بروح
عايشه : لا راضيه
أسيل : طيب سيبينا لوحدنا لو سمحتي
هيا : أوكيه قولي لي أذا خلصتي
أسيل : أوكيه
طلع هيا وعايشه ضمت اسيل
عايشه(تصيح) : أسيل ساعديني ما ابيه
أسيل(تفصخ عباتها) : خذي لبسيها وهذي شنطت المكياج وطلعي وانتي راخيه راسك للأرض لا تتلفتين فاهمه
عايشه : أيش اللي يحصل مو فاهمه شئ
أسيل : مافيه وقت أبوي برى ينتظرك راح يفهمك (وبدت تطق الباب) وولييييييي ألحئوني شو هيدا
عايشه : أيش تسوين
أسيل : أذا فتحت طلعي ركض لا تردين ولا تتلفتين على الشارع سييييييييده(رجعت تطق الباب) ياست حلي عني يالهويييييييييي آآآآآآآآآه لاء شو بدك مني لااااااااااا
هيا تفتح الباب واسيل دخلت الحمام بسرعه وقفلت الباب وعايشه غطت عيونها وطلعت تركض مثل ماقالت لها أسيل
هيا(تطق الباب) : عايشه عايشه أيش سويتي في الحرمه طلعت تركض(ماسمعت رد) على راحتك أنا نازله
نزلت هيا بعد ماقفلت الباب وراها
الأم : علامها الحرمه طلعت تركض
هيا : مدري يايمه
نوره : باين عليها متروعه ما تتلفت حتى
عايض(يدخل) : هههههههههههههههههه هذي علامها طلعت تركض كذا سويتو فيها شئ
هيا : الظاهر عايشه بقت تذبحها
عايض : طيب أنا ر ايح أفتح الباب يمكن ارجعت هههههههههههههههههههههههه
زهره (تبتسم) : أشك ترجع
عايض فتح الباب وأهو ما يعرف ابو فهد ولا عمره شافه
عبدالوهاب : هذا مو بيت متعب
عايض : أيه خير
محسن(بعصبيه) : رح ناد أبوك أخلص
عايض : علامكم معصبين ومن أنتو
سعد : أذلف ناد أبوك تحقق معنا
عايض(عصب) : لا تقول أذلف فاهم
أحمد(عصب) : هيييييييييه قصر حسك لا أفرك خشتك بالقاع
عايض : تخسي ومن أنت عشان تهدد رح لاأدوس برمتك حلو جاي بيتنا ويهدد
عبدالوهاب : أنا أبو عايشه رح قل لخلف أني هنا
خلف (من وراه) : ما يحتاج يروح خير أيش تبي
عبدالوهاب : بنتي
عابد : هذي مرتي ومالك حق عليها
فهد : هذا لو ماخذ عايشه بس أنت أخذت أسيل
خلف : شنو أسيل اللي فوق عايشه
سعد : غلطان انتم خذتو اسيل لأن عايشه بالرياض في بيت أبوها
متعب : شنو أنتو تستخفون دمكم اللي جت معهم عايشه
عبدالوهاب : فهد دق على اخوك خلنا نكلم عايشه
فهد(يتصل) : ألو فراس عطني عايشه (فتح السبيكر) عايشه أنا فهد
عايشه(تصيح) : فهد بشر لحقتو على اسيل خالي وعابد خذوها يحسبونها أنا
فهد : لا تحاتين وصلنا يله مع السلامه
سعد(يطلع جواله) : أنا راح أبلغ الشرطه هذي عملية خطف وزواج أخت على أخت والظاهر أنك كنت ناوي تدخل الليله عليها فتعتبر قضية لا قضيتين خطف وأعتداء وكلكم مشتركين فيها
زهره(طلعت على الصوت) : علامكم عبدالوهاب أيش جابك
عبدالوهاب : أخوانك أخذو اسيل بدل عايشه
عبدالله : وأنا أشوف أسيل لما راحت للبيت قالو مارجعت ليه ياعابد ماتشوف ماتفرق وانت يبه غريبه
خلف : أنا متأكد زهره حلفتك بالله اللي فوق عايشه ولا أسيل
زهره : أنا ما شفتها من يوم جيت كنت تحت
فهد(بصرخه) : أخلص نزل أختي وإلا والله الشرطه

عابد : أنا رايح محمد شف لي درب
عبدالله : خذني معك
دخلو البيت وطلعو للغرفه ويوم فتحوها تفاجئوو بأسيل
أسيل(كانت تصيح وأول ماشافت عبدالله ركضت له وضمته) : عبدالله ألق علي
عبدالله(ضمها وبعصبيه) : عاااااااابد هذي أسيل
عابد(أرتبك) : أنا أنا متأكد
أسيل : عبدالله أنا قلت له ماني عايشه بس ما صدق عبدالله خذني من هنا
عبدالله : تعالي معي كيف اخليك هنا
نزلو تحت والكل أنصدم كيييييييف واسيل واول ماشافت أبوها ركضت له تبكي وضمته
أسيل(تصيح) : يبه شفت أيش كانو بيسوون فيني
عبدالوهاب(كتم ضحكته حقيقه بنته أتقنت الدور وبعصبيه مصطنعه بس متقنه) خـــــــــــــــــلـــــــــــــــــف
أسيل : يبه بلغ الشرطه
خلف(بخوف) : لا الحمد لله أنتهى الموضوع على خير
أسيل(بعصبيه) : خير أي خير وولدك بغى الليله لا لا لا ما أقدر أقول لازم ينسجن هذي جررررررررررررريمه
سعد : أنا مضطر أبلغ وأنتم مشتركين بالجريمه
متعب(معصب) : شفت أيش سويت ياخلف أنت وولدك الخبل
خلف(بترجي) : ياأسيل أنا خالك بلاش فضايح زهره تكفين قولي شئ
زهره : أسيل خلاص يمه كل شئ صار بخير
أسيل(رفعت راسها عن صدر أبوها) : بشرط
خلف : موافقين
أسيل : ألحين ألحين عابد يجيب الشيخ ويطلق عايشه
عابد : لاء طلاق لا
عبدالوهاب : سعد أطلب الشرطه
متعب(بعصبيه) :راح تطلق غصب عليك ورجلك فوق راسك أنت وأبوك جبتو لنا مصيبه أنتو تطلعونا منها
خلف : طلق وفكنا عايض جب شيخ ألحين
عابد : بس
خلف : ولا كلمه طلق وفكنا
جابو الشيخ وطلق عابد عايشه وتنفسوا الكل بعد الكتمه اللي صارت وأسيل اللي حست بأول أنتصار على خوالها
أسيل(أبتسمت) : خوالي الأعزاء هذا أول صاع أرده لكم ولك ياخال خلف بالخصوص
خلف : صاع أيش تقصدين
أسيل(تلف لعايض) : ليك مستر عايز يأطع أبو يزن على يزن على اللي يشتغل هيك شغل
عايض(مصدوم) : أنتي راعية الصالون اللبنانيه
أسيل : أيه وياخوالي فعلا عايشه اللي جت معهم بس تبادلنا الأماكن ولولا تربيتك ياخالي خلف ماطلعت بهذا الدهاء مثلك
خلف(بعصبيه) : كل هذا من تحت راسك
متعب : حنى خوالك ليه سويتي كذا
أسيل : شغلتين ما أنساهن لكم أولا 18 سنه ضاعت من عمري وعمر أمي وخواتي بالبعد عن أبونا والشئ الثاني(لفت لخلف) بيعتك للوضحه والجايات أكثر بس أنتظروا
عبدالوهاب : يله نمشي
طلعو الكل من البيت بعد ماهزوه بصدمه من أسيل وكانت الساعه 9 المساء فقررو يباتون بفندق وأتصلو على الجده تاخذ نجد معها للبيت
نجد(بعناد) : لا لا ماأبي أروح
الجده : يانجد يله أبوك قال
نجود : ياجده خليها تبات عني
ترفه : أنا فيه نجد روحي
نجد : لا لا أمي قالت لا تخلين أختك لين أرد
ترفه : نجد أنا عندها لا تحاتين
زياد اللي بدا يصحي وأهو موفاهم شنو حصل بدا يفرك عيونه يطير النوم والكل سكت وكتمو الضحكه
زياد(يتثاوب) : أنا وين ومن متى نايم
الجده : بسم الله عليك لك أربع ساعات
رنا : هههههههه لا خمس يمه
زياد(تذكر ولف بعصبيه) : نجد نجود
نجد(تبتسم) : خير
زياد : سويتيها فيني
نجود : قلنا لك وطلبناك وبعدين النوم مو غصب
ترفه : بس كان لازم تاخذين العلاج
الجده : بصراحه زين ماسون فيه كان محتاج للنوم
زياد :آآه يالملعونات هين الأيام بينا
الجده : يله نجد الساعه صارت 9 ونص أخلصي
نجد : لا
زياد : خير يمه مارجعو خوالي
الجده : لا يمه بيباتون بشرقيه وخالك قالي نجد تبات عندي بس هي رافضه
نجود : جده خليها عندي
خالد(توه داخل) : السلام عليكم
الكل : وعليكم السلام
خالد : زياد أيش جابك لهنا مناوبتك مو خلصت
زياد : أيه بس صار شئ قلب الموازين كلها
خالد : خير أيش صار
زياد(يطالع نجد ونجود اللي يضحكن) : بعدين أقولك ألحين تبي تستلم
خالد : أيه صارت مناوبتي
زياد : أوكيه أنا بسلم الملفات وآخذ أمي ورنا ونجد ونروح البيت
نجد(تكتف أيديها) : لا أنا لا
زياد(عصب) : بلا دلع يكفينا وحده سامعه خلصي
نجد ونجود : كييييييييييييييييييييييفنااااااااااااااااااااا
زياد(زاد عصبيته) : شوفن أنا واصل حدي من اللي سويتنه فيني فلا تخلني أعطي الوحده كف هنا
خالد : زياد علامك أهدى
زياد : أنا رايح أجيب أغراضي أن ماكنت لابسه يانجد ياويلك
نجد : أنا.....
ترفه(بسرعه سدت فمها) : حاضر روح أنت ويصير خير
زياد : طيب
نجود بدت تصيح لأن زياد كان يخوف وأهو معصب
نجد : أنتي ليه تصيحين
نجود : نجد
نجد : وجع وجع زيييييييين
نجود : يوووووووجعك
الكل : ههههههههههههههههههههههههههههههههههههههههههههههه
نجود(ترجع تصيح) : نجد واللي كثير أتألم لا تتركيني
نجد(تحضنها) : أنا معك لا تصيحين
زياد(دخل وشافهن ورق قلبه لمنظرهن) : هاه خلصتو
الكل ساكت
زياد : نجد تبين تبقين مع نجود
نجد(بفرح) : أيه
زياد: بشرط نجود تاخذ المسكن عشان تنام
نجود : لا ماأبي خذها معك
الكل : هههههههههههههههههههههههههههههههه
نجد : يالخاينه حتى أنا مابيك
رنا : يعني مافيه حل ثاني
ترفه : أنا معها نجد
نجد(تبوس ترفه ونجود) : تصبحون على خير
نجود : وأنتي من أهله
زياد : أووووووه وأخيرا يله نروح للبيت

في مكان آخر .........
غاده (بدلع) : حمودي
حمد : عيونه
غاده : تسلم عيونك صار لنا سنه متزوجين صح
حمد : وأحلى سنه
غاده : بوجودك جنبي
حمد : أمري
غاده : أبي زواجنا يصير شرعي وموثق وعلني بعد
حمد : زواجنى شرعي بس حنى ما تفقنا على العلني
غاده : ليه يعني مااشابه
حمد : لا تشابهين ونص بعد بس ليه هذي السيره
غاده : مو أنا أبي بيبي منك يشابهك ويقوي الرابط بينا
حمد : غاده أنا حقيقه أحبك بس رافض دخول أي وحده لبيت أحلام وأنتي من الأول عارفه بهذا الشئ
غاده : حمووووووووودي
حمد(يلف يده ورى خصرها) : خلا ص غاده خلينا نقضي الليله بسعاده بلاش ذي السوالف
غاده(في نفسها) : هين ياحمد أن ماخليتك ترضخ لي ماكون غاده
حمد : وين سرحتي
غاده : لا ابدا أفكر أنا أغلى ولا هنادي جده ولا منى الشرقيه ماشاء الله مضبط أمورك بالمدن
حمد : ههههههههههههههههههههههههههههههههههههههههههه
حمد(يلتفت لها) : (أعز أنسان- لمحمد عبده)
الله يخليك يااعز انسان ...... الله يخليك ياني بولهان في غيابك
الكلمه تعجز في نحرها وفي قربها ...... الليله يحضنها قمرها في صوتك دفا
وفي عروقي وفا وشعوري تعرفه أحبك ...... يابعد كل الأزمان الله يخليك
غاده(تبتسم) : الله الله يكفيني هذا الحب وانا بعد أحبك
حمد : ياقلبي أنتي




************************************************** ********




يوم آخر في حياة أبطالي....

صحى زياد ونزل وأبتسم لما شاف نجد جالسه بالصاله وعبايتها بحضنها باين لها وقت تنتظر
زياد : صباح الخير صاحيه بدري
نجد : صباح النور بروح معك لنجود
زياد : معاي لاء أنا ماآخذ أطفال معي
نجد(عصبت) : أطـــــــــــــفــــــــــــال
زياد : هههههههههههههه طيب بشرب نسكافيه ونروح
نجد : طيب أستناك هنا
زياد : ماأفطرتي
نجد : مو مشتهيه شكرا
زياد : مايصير
نجد : زيااااااااد أخلص ماابي شئ
زياد : طيب على راحتك أنا بالمطبخ
على الساعه 9 كان زياد ونجد والجده بالمستشفى فرحو بشوفت أسيل والأم وعايشه بخير
نجد(بفرح راحت لأمها) : يمه أشتقت لك
لكن الأم أستقبلتها بكف طرااااخ بدل الأحضان الكل أنصدم
الجده : ليه يازهره
نجد(تحط يدها على خدها) : يمه
الأم(بعصبيه) : أنا أيش قلت لك عن سوء الأدب ماحذرتك
أسيل : يمه الله يهداك
نجد : أيش سويت
الأم (تأشر على زياد) : واللي سويته بالدكتور زياد موعيب
زياد : الله يهداك ياخاله ماصار شئ
الأم(تمسك يدها وتهزها) : أعتذري أنا ماربيتك على كذا ماتخيلت أنك ممكن تقلين أدبك على شاب عيييييييييييييييييييب الظاهر أني سيبتلك الخيط والمخيط
نجد(منحرجه) : أسفه يمه لا تزعلين
الأم : أعتذري من الدكتور زياد مو مني
نجد : دكتور زياد أنا أسفه
زياد : ما يحتاج تعتذرين أسمحولي عندي شغل
الجده : ما أحتاج الأمر أنك تضربينها هذا ولد عمتها ومزحت معه
الأم(تطالع لنجد ونجود) : المزح له أوقات وناسه حتى لو ولد عمتهن لازم يراعن أنه رجل
أسيل : أنا بروح عندي ملفات لازم أجهزهن
الجده : هاه أيش حصل معكم هناك
نجد : يمه بروك أجيب لي نسكافيه ماأفطرت
الأم : طيب لا تتأخرين يمه
بدت الأم تحكي للجده كل اللي صار ونجد تحججت بالنسكافيه عشان تطلع من الغرفه حست أنها بتختنق جلست على الكراسي الخارجيه تتأمل الكوب اللي في يدها بصمت
: دام ماتبين تشربينه ليه شريتيه
نجد(منزله راسها) : مالك دخل
: حرام هذي خساره ماليه ونسكافييه
نجد(اللي من ألم الكف وألم القلب مالها خلق ترفع راسها وبعصبيه) : أذلف أذا تحب نفسك
: بس أنا ما أحب نفسي أحبك أنتي
نجد(عصبت ووقفت) : حبك بر........ عبدالله يوووه منك
عبدالله : هههههههه عيونه أيش فيك
نجد :..............
عبدالله : جلسي وقولي لي
نجد : أمي زعلانه على
عبدالله : ليه أيش سويتي
نجد(منحرجه) : أمس قال زياد لازم نجود تاخذ ابره ............................(وقالت له شنو حصل)
عبدالله : هههههههههههههههههههههههههههه خطيره طيب أمي لما عرفت شنو صار
نجد(تحط يدها على خدها) : بدل لا تستقبلني بحضنها عطتني كف وخلتني أعتذر من زياد
عبدالله : تسمعين لي
نجد : وأنا من لي غيرك أسمع له
عبدالله : اللي سويتيه غلط لازم ما تتجرئين مهما يكن هو رجل
نجد : توووووووووبه ماأعودها
عبدالله : واثق فيك بس لحد ألحين بملابس المدرسه مارحتي للبيت
نجد : لا بت ببيت جدتي عبود شنو حصل هناك
عبدالله خلاص عابد طلق عايشه وانتهى كل شئ
نجد : معناه خالي طردنا من بيته
عبدالله : صراحه ماني عارف بس شكله مو مستقبلنا
الأم(طلعت بعد ماتأخرت نجد) : أنتي هنا
نجد : أيه يمه
الأم(تجلس جنبها) : نجد أنتي عارفه اللي سويتيه غلط وأنا عارفه أن الكف آلمك
نجد : أيه يمه عبدالله قالي بعد أنا آسفه
الأم : طيب زين عرفتي غلطك شنو مجلسكم هنا ليه مادخلتو
نجد : نتشاور في سالفة رجوعنا للبيت يعني خالي أكيد متضايق من اللي صار
الأم (تبتسم) : تقصدون وين راح تباتون الليله
نجد وعبدالله هزو روسهم بنعم
الأم : لا تحاتون ربكم يحلها نشوف أي شقه نستأجرها كم يوم لين نلقى بيت
عبدالله : يمه عندي واحد من الربع عنده شقه أهو بيسافر كم يوم بطلبه نجلس فيها كم يوم لين نلقى حل
الأم : اللي تشوفه
عبدالله(يوقف) : أنا رايح له برجع الظهر أن وافق نروح للبيت وناخذ أغراضنا للشقه
الأم : في أمان الله
أتفق عبدالله مع صاحبه فايز أنه يبقى كم يوم مع أهله بشقه فايز قال له الشقه له لمدة اسبوعين لا يستعجل ياخذ راحته نقلت أسيل وعايشه ونجد وعبدالله أغراضهم من البيت الخال كان موجود ساعة النقل ولا أعترض وكأن السالفه جته من الله


************************************************** ******
أنتهى البارت العاشر

نزلت وجدان لمحل الورد القريب من المستشفى وكانت تتأمل الورد والباقات وأهي محتاره

وجدان : لو سمحت ممكن تنسق لي باقه ورد جوري
بفس الوقت كان في شاب يراقبها من يوم نزلت من سيارة أبوها
الشاب : كيف يسمحون للجوري ياخذ جوري
وجدان(تلف) : نعم
الشاب : نعم الله عليك معك حسين
وجدان(لفت عنه) : الحمدلله والشكر
حسين : ممكن نتعرف على الجوري أكيد هذا أسمك
وجدان(ماعبرته) : خلصت الباقه
حسين : أفاااا وليه القسوه كذا خابر الورد رقيق
وجدان : لوسمحت بلا ملاقه وسخافه
حسين : وربي أنك عسل وكلك رقه(حس بأيد على كتوفه لف) خير
: يالأخو أقول فارق أحسن لك
حسين: إلا أنت فارق أنا شفتها أول
وجدان(إلتفتت للصوت ألي حست أنه تعرفه وبصدمه) : محمد
محمد :وأنا ولد عمها أخلص لا أسدحك هنا وأعلمك من شافها ومن ماشافها أول
حسين(خاف لأن محمد أعرض منه) : طيب طيب لا تدف
محمد(بعصبيه) : أنتي أيش جابك هنا لوحدك
وجدان : أنا قلت لبابا أبي باقة ورد وقال معليش
محمد : وأخذتيها
وجدان : ألحين يخلصها
محمد : لوسمحت عطني الباقه
البايع :تفضل
محمد : كم الحساب
البايع : 120 ريال
وجدان : أنا أدفع
محمد : معليه خلي فلوسك
وجدان : هذي هديه مني لأختي
محمد : على راحتك يله قدامي
وجدان(في نفسها) : يااااااااااااااي موقادره أصدق أنا جنب محمد بمووووووووت ماأقدر بقول لشهوده ومناير ماراح يصدقن
محمد(قطع تفكيرها) : وجدان
وجدان : هلا
محمد : أنتي جايه معك هيام
وجدان : هيام ليه تسأل
محمد : ابدا صار لي مده ماشفتها أهي جت
وجدان(بدون نفس أنقهرت) : لاء وعطني الباقه لوسمحت مشكور أنا أشيلها
محمد عطاها الباقه وأهو مستغرب تقلب مزاجها وكان معها لين دخلت لنجود
محمد : مهي صاحيه علامها عصبت
جراح(من وراه) : بووووووووه
محمد : بسم الله علامك
جراح : هههههههههههه يالسرحان
محمد : وين الشباب
جراح : يالطيب أذن المغرب ولا أنت في عالم ثاني
محمد : جيت عبالي ألقى الحبايب ومالقيتهم
جراح : ههههههههههههههههههه ياأخي أيش تبي بالمغروره
محمد(بعصبيه) : حدك جراحوه هذي الغلا
جراح : طيب السموحه خلنا نروح نصلي
محمد : معك
أما بغرفة نجود........
شهد : وجدان علامك
وجدان : ولاشئ
زهره : وجدان كيف حالك
وجدان : بخير ياخاله تسلمين
عايشه : والله أنك ذوق ياكل الجوري
وجدان : تسلمين كم نجود عندنا
نجود : أدري وحده
مناير : طالعو الغرور أعوذ بالله
الكل : هههههههههههههههههههههههههههههههه
بعد أنتهاء الزياره الكل غادر وباتت زهره عند نجود مرافقه ورجعوا عبدالله وخواته للشقه





****************************************





دخلت الجده ورنا للبيت راجعات من المستشفى............

سهام(في الصاله) : رجعتن
الجده ورنا : السلام عليكم
سهام : وعليكم مابغيتن تردن
الجده : ردي السلام عدل وبعدين قلت لك تعالي معنا رفضتي
سهام(توقف) : أنا أروح لزهروه
رنا : ماما هذي بنت أخوك وزيارة المريض واجب
سهام(بعصبيه) : جب أنتي وأطلعي غرفتك يله
الجده(تمسك يد رنا) : خذيني معك انا بعد بنام الله يهديك ياسهام
سهام : مجنونه شايفتني
الجده ورنا أكتفن بالنظر لها بأسى وحزن لحالها وطلعن لغرفهن وتركنها معصبه تحت





**************************************





إما في مكتب حمد..........

حمد(يوقع أوراق) : وهذي أهم الأوراق للفتره هذي
فراس(يتثاوب) : ياأخي منت صاحي الساعه 12ونص جايبنا نوقع اوراق
حمد : لأني بسافر ألحين وباخذ أسبوع بإيطاليا
فراس :والسفر جاء فجأه ياأخي لو مسافر لشغل قلنا ميخالف بس أستجمام ولمدام
حمد : علامك حاسدني وبعدين الفكره جت فجأه وحبيت أحتفل معها بأول سنه لنا بالبلد اللي تحبه إلا شخبار آلاء
فراس : فديتهااااااااااا ناطرتني بجده مشتاقه
حمد : أذا تبي رح لها بس لما أرجع ما يصير أثنينا نروح
فراس : شدعوه بسالك طبعا بروح لعمري انا
حمد : طيب هذي آخر ورقه أنا بطلع آخذ غاده وعلى المطار سلم على عمامي أوكيه
فراس : يوصل ولا تنسى تطمني أذا وصلت
حمد(يغمز له) أذا كنت فاضي
فراس :هههههههه أيه بهذي صادق
حمد(يرد على جواله) : هلا قلبي ....لا تأخرت ولا شئ..... مسافة الطريق.....باي
فراس : روح قبل تذبحك
حمد : خخخخخ بايخ يله مع السلامه
فراس(يضمه) : بحفظ الله ياغالي
حمد : باي
فراس : باي





**************************************




في يوم آخر في غرفة نجود بالمستشفى العمه أمينه وبناتها زايرات نجود

أمينه : يالك وحشه ياأم عبدالله
زهره : والله أنتو اللي لكم وحشه كبيره
روابي (تمد لزهره حليب) : تفضلي ياخاله
زهره : تسلمين ليه مغلبين حالكن وجايبات كل هذا
أمينه : الله يهداك شنو جبنا حليب وفطاير
عبدالله(يدخل فجأه وبصوت عالي) : أنا أو..
نجد (وراه) : غشااااااااااااش
عبدالله(يصد) : أسمحولي ماكنت عارف أن في أحد
أمينه : حياك يا ولدي
زهره : هذا عبدالله ولدي وهذي خالتك أمينه والدكتوره روابي وسلوى
عبدالله : كيفك خاله
أمينه : بخير يا ولدي حياك تقهوى معنا
عبدالله : معليه عليكم بالعافيه أنا بنتظر برى
أسيل(دخلت) : السلام عليكم هلا بعمتي وروابي وسلوى
الكل : هلا فيك
أمينه : أسيل شلونك
أسيل : بخير ياعمه أعذروني بطلع لعبدالله
روابي : شوووفوووووو يا شينهاااااا ماعبرتنا وحنى ضيوف
عايشه : أول منتو ضيوف ثاني شئ هذا عبدالله عين السيح ماتشوف مثله
زهره : أسيل تتركني أنا يمها وتروح له
أمينه : الله يخليهم لبعض
الكل : آمين
سلوى : نجود متى تطلعين
نجود : ماني عارفه
روابي : أتوقع على السبت بس مامشيتي لازم تمشين عشان العمليه
نجود : روابي كل ماتحركت توجع العمليه
سلوى(بستهزاء) : حلفي لا لا ماصدق توجع مو ياهبله أذا الشلخ الصغير يوجع شلون عمليه
نجد : نجود لازم تمشين عشان تطلعين تعبت أنام بروحي
نجود : لخاطرك بس
بشاير(دخلت) : هاااااااااي يم يم أشم ريحة حليب وفطاير
روابي : يعيني ماجابك إلا الحليب والفطاير وبعدين ليه مارحتي مو خلصت مناوبتك
بشاير(تاخذ فطيره وتجلس) : إلا خلصت بس حبيت أجلس معكم شوي
عايشه(تمد لها حليب) : مير الله يحييك تفضلي
بشاير : مشكوره ياقلبي تصدقن يااااااااي لو تشوفن أسيل وعبدالله والضحك مالي الممر وربي لولا الحيا كان جلست معهم
نجود : ليه الجلسه معنا مو حلوه
بشاير : نعم نعم خلي أحد غيرك يتكلم وأنت طول الوقت ياآآي أأأأي ياماأبي أبره وأأأي
الكل : هههههههههههههههههههههههههههههههههههههههههههه
نجود : جـــــــــــــــــــــب زين
بهذي اللحظه دخل فراس
فراس : السلام عليكم
الكل : وعليكم السلام
فراس : شلونك نجود
نجود : بخير ياخوي تسلم
فراس(لف لبشاير وأبتسم) : شلونك بشاير
بشاير : كنت بخير
فراس : كنتي
بشاير(توقف) : يله السايق ينتظرني برى باي
فراس : أفااااااا يعني أذا حضرت الشياطين ذهبت الملائكه
بشاير : قلتها يله أودعناكم بخير
فراس(يبتسم) : أودعناك
بشاير(في نفسها) سخيف مالت عليك
طلعت بشاير متنرفزه وحست أسيل أن مزاجها تغير أستأذنت عبدالله وراحت لها
أسيل(تمسك يدها) : هووب لحظه علامك
بشاير(بعصبيه) : من أخوك فرييييييييس
أسيل : وش سوى بعد
بشاير :ما أدانيه أكرهه أكرهه
أسيل : ليه فراس حبوب
بشاير : المشكله أنك ماتعرفين ليه أكرهه
أسيل : طيب قولي لي
بشاير : ميخالف مره ثانيه السواق برى
أسيل : على راحتك بس أنتي ماخذه تفكير غلط عن فراس
بشاير : باي أسيل
أسيل : باي

............ في بيت الجده .............

سهام توها راجعه من بره و أمها بالصاله
سهام : السلام عليكم
الأم : وعليكم السلام
سهام : عن أذنك يمه بصعد غرفتي
الأم (بعصبيه): وقـفـي عندك
سهام : هلا
الأم : تعالي جلسي بكلمك
سهام : خير بعد شنو فيه
الأم : سمعي يا سهام سالفة خروجك و دخولك بدت الناس تتكلم
سهام : و أنا أيش خصني فيهم
الأم :منتي صغيره عمرك 42 سنه كبيره
سهام : مو مهم العمر المهم توني أحس نفسي شباب
الأم : عشان كذا متزوجه من واحد أصغر منك بـ 8 سنوات
سهام (متفاجئه): من قالك لك هذي أكيد أسيلوووه الخايسه
الأم : لا أنا عرفت قبل لا تعرف أسيل
سهام : كــيــف
الأم : لا تعتقدين الناس ما تلاحظ و صدق شافوك معه والهدايا اللي تجيبينهن له والشقه اللي كاتبتها بأسمه والسياره أكمل بعد
سهام : أيش فيها مو شاريتها لأحد غريب شاريتها لزوجي
: زوجـــــــــــــــــــــــــــــــــك
سهام(لفت) : رنـــــــــا
رنا : أنتي متزوجه
سهام : هااااه
رنا (تصيح) : قولي أني سمعت غلط
سهام(بعصبيه) : لا ماسمعتي غلط أنا متزوجه متزوجه سمعتي
رنا(تهز راسها بتنفي اللي تسمعه) : لا ماأصدق لييييييييييييه
سهام(بصراخ) : أنا حُــــــــــــــره
الأم : رنا روحي لغرفتك
رنا(مصدومه من اللي سمعته وطلعت تركض لغرفتها) : حراااام مستحيل مستحيل
الأم (عصبت) : سمعي يا سهام لازم تقولين لأخوانك بسنا فضايح بس
سهام(بتحدي) : وإذا ماقلت لهم
الأم : مالك جلسه في بيتي
سهام : أنا بنتك تطرديني يمه
الأم : ليه عاجبك طلعتك ودخلتك وكثير يتساؤلون وين تروحين خلااااااااااااص كل أعذارك خلصت
سهام : يمه أنا ماسويت شئ حرام متزوجه
الأم(بعصبيه) : مسياااااااااار مسيار ياسهام عيييييب عليك هذا وأنت مره شكبرك فضحتيني أنتي ماتحسين على دمك
سهام : يوووووه يصير خير أنا بروح أنام أحسن
الأم : الله يهديك
رجعت رشا من برى وقالت لها الخادمه أن رنا رفضت تاكل وبس تصيح ورفضت تنزل
رشا(تطق الباب) : رنوووو رنا
رنا (تمسح دموعها) : هلا
رشا : رنا ليه غرفتك مظلمه بولع النور
رنا : طيب
رشا : كنت تصيحين ليه
رنا(رجعت تصيح) : ماما يارشا
رشا : لا تقولين رجعت تضربك
رنا : ياليت يارشا ياليت
رشا : أجل وشو
رنا : أمي متزوجه
رشا(تفصخ عبايتها وتجلس) : يوه يارنا عبالي فيك شئ
رنا(مصدومه) : يعني أنتي مو هامك
رشا : لاء لاني عارفه بهذا الشئ من زمان
رنا : لا ماأصدق
رشا : لا صدقي معليه رنو راح تتعودين أساسا أمي مو أول زواج لها
رنا(متفاجئه) : أنت أيش تقولين
رشا : هدي حبيبتي هذي الحقيقه وزياد عارف بعد
رنا : وأنا ليه ماقلتو لي
رشا : ماحبينا نشغلك وأنتي بآخر سنه
رنا : طيب ليه تتزوج شنو ناقصها
رشا(تبتسم) : ماما تعاند أبوي ماهي عارفه أنها تضيع عمرها وتضيعنا
رنا : أحس بضيق رشا مو مصدقه بهذا العمر وتسوي كذا رشا لا تخليني أرجوك
رشا(تضم أختها ذكرتها بنفسها أول ماعرفت كانت تتمنى أحد يخفف عنها) : أنسي رنا وخليك بنفسك ودراستك وأنا معك وزياد ويمه عايشه كلنا معك أرتاحي
بقت رشا مع رنا لين نامت ودمعتها عل خدها وطفت اللمبه وطلعت
رشا(شافت أخوها وأبتسمت) : هلا زيودي
زياد : هلا وغلا أبش عندك في غرفة رنا
رشا : أبدا كنت أهديها لين نامت
زياد(بخوف) : خير حصل لها شئ
رشا : أبدا بس عرفت بسوالف أمي
زياد(متفاجئ) : زواجها كيف ومتى
رشا(يرن جوالها بس حطه صامت) : أبدا سمعت أمي وجدتي وحصل اللي حصل زيود سوري مزون تتصل علي بروح غرفتي
زياد : أوكيه تصبحين على خير
رشا : وأنت من أهله( تدخل غرفتها وترمي نفسها على سريرها) : ألو
مزون : وجع وجع لي ساعه أتصل فينك أنتي
رشا : على هونك كنت مشغوله شوي
مزون : مشغوله في أييييييييييييييش
رشا : ههههههههههه مو اللي في بالك بس رنا كانت متضايقه وكنت معها
مزون : طيب أنا متصله بقول لك جاسم دق علي
رشا : أفففففففففففففففف أيش يبغى هذا ما يفهم
مزون : لا يقول لي توسطي بينا يبيك ترجعين تكلمينه
رشا : أنا قلت له اللي بينا أنتهى حشا غبي
مزون : رشا جاسم ما ينعاب غني وولد ناس
رشا : مزون فيه ألف عيب وعيب وأذا أهو غني أنتي ناسيه أنا بنت مين وخوالي منو وعمامي من وأنا ماهمتني الفلوس قد الرجال
مزون : راح يضيع منك
رشا : يووووووولي
مزون : على راحتك طيب بكره وين نروح
رشا : ألحين بنام بكره بينا ألو
مزون : أوكيه سي يو
رشا : باي





***************************************



في صباح اليوم الثاني ....... بيت محسن .........

بشاير(تجلس على طاولة الأكل) : صباح الخير
الكل : صباح النور
خالد يطالع لأحمد ويغمز له وأحمد فهم عليه وهز راسه
بشاير : علامكم شباب بس طايحين تغزل تقول زوج وزوجته
الكل : هههههههههههههههههههه
خالد : هااااه ولا شئ
الأب : خالد أحمد فيكم شئ من يوم جلستكم ماكأنكم على بعضكم خير
أحمد(تردد) : سلامتك يبه
أم أحمد : يابوأحمد مت تظن أن أحمد وخالد كبروا
أحمد وخالد أرتبكوا وطالعو لبعض كأنهم أفهو المغزى من كلامها
الأب : والمعنى
أم خالد : يعني أنا وأم أحمد ودنا نفرح فيهم
خالد(فجأه) : أنا لا لا
الأب : علامك كأنك مقروص
شهد : هذا زواج مو ماخذينك للمشنقه
خالد : أنتي جب لا تتدخلين
الأب(عصب) : خالد تكلم مع أختك عدل وشهد لما يتكلمون الكبار الصغار يسكتون
بشاير(توقف) : شهوده يله ماوراك جامعه خلينا نروح
شهد : معاك
الأب(يلف لخالد) : ألحين فهمني ليه رافض الزواج
خالد (يطالع لأحمد) : حاسس نفسي مو مستعد
أم خالد : يمه عمرك 25 سنه شنو مو مستعد وأبوك مسوي لك ولأحمد جناح ووظيفتك ماشاء الله دخلها كويس
خالد : يمه أرجوك سكري على الموضوع أسمحولي بروح للدوام مع السلامه
الكل : مع السلامه
الأب(يلف لأحمد) : وأنت بعد مو مستعد
أحمد : لا يبه أنا من أيدك هذي لأيدك هذي
أم أحمد : على بركت الله من بكره بدور لك على وحده
الأب : يعني مو حاطه في بالك وحده معينه
أم أحمد : لا والله
أم خالد : طيب سألي أحمد أذا يبي وحده من بنات عمامه أو خواله
أحمد : اللي تنقونها لي موافق عليها أنتو اعرف
الأب(يبتسم) : طيب أنا عندي راي
أحمد : خير يبه
الأب : أيش رايك بعايشه بنت عمك عبدالوهاب
أم أحمد : عايشه الله يهداك أخذ أول فرحه ولدي مطلقه
الأب(عصب) : شنو مطلقه هذي بنت أخوي هذا أنتي تقولين كذا وأنتي عارفه كل شئ أجل الناس وش بتقول
أم أحمد(بخوف) : عارفه بس تبقى مطلقه
الأب : الرأي مو لك لأحمد
أحمد : بصراحه أنا ماعندي مانع عايشه ما تنعاب
أم خالد : ياأم أحمد أنتي ناسيه كيف كنتي تتكلمين عنها وقلتي أنك حبيتيها
أم أحمد : أعوذ بالله من الشيطان عايشه والله ماتنعاب
أحمد : يعني موافقه يمه
أم أحمد : اللي يريحك يريحني
الأب(يوقف) : على بركت الله بكلم أخوي اليوم
أم أحمد : الله يتمم بخير
أم خالد : الله يوفقهم
الأب : إلا قبل أطلع بسألكن وين مشعل ومحمد ما شفتهم
أم خالد : نايمين
الأب(عصب) : نايمين ليه مشعل ماوراه جامعه ومحمد شغله صحوهم
أم أحمد : تامر بس لا تعصب
الأب : سمعن قولن لعيالكن والله أذا مشيعيل ما نجح هذي السنه لأدخله العسكريه وبلغو محمد لو ماعتدل بدوامه مثل الناس بيحصل له ولأخوه نفس الشئ العسكريه وبس أنا حلف
أم أحمد : أن شاء الله
أم خالد : سيما سيما
سيما : يس مدام
أم خالد : شيلي الأكل
أم أحمد : أنا صاعده أقعد الثنائي المرح
أم خالد : خذي سطل ماي معاك
أم أحمد : ههههههههههههه فكره
دخلت أم أحمد والأخوان بسابع نومه شغلت المنبه اللي مثل صوت جرس البقر ههههههههه وقعدت على كرسي وسكتت لا حظت أنهم بدوا ينزعجون
أم أحمد : ياأطفال ياحلوين أصحو
محمد ومشعل : .............
أم أحمد : يا أطفالي الأعزاء عندي لكم خبر حلو من أبوكم طازه توه نازل القرار أبوكم حلف وأقسم أذا ما صحيتو ليدخلكم العسكريه
مشعل ومحمد(يقعدون بسرعه) : حلللللللللللللفييييييي
أم أحمد : يقول أذا محمد ماداوم مثل الناس ومشعل ما نجح هذي السنه ليدخلكم العسكريه مثل أحمد
مشعل : أنا ماأحب العسكريه
أم أحمد : أبوك بذاك الوقت ماراح يقول لك تحب ولا ماتحب
محمد : طيب عمي مايقول شئ ليه أبوي زعلان
أم أحمد : أبوك عارف عمك انه ساكت عشان ابوك عيب تستغل هذي النقطه
مشعل : يا ماااااااااااااااكر ثعلب تعرف كيف تستغل
محمد : جب
أم أحمد (تطالع ساعتها) : أنا بعطيكم 10دقايق وبعدها بدق على ابوكم يجهز أوراق العسكريه
مشعل ومحمد يتسابقون على الحمام( وأنتو بكرامه) ...........

عبدالله : طيب أسمحولي وأذا أحتجتن شئ أتصلن علي
أسيل(وقفت معه) : عبود وين
عبدالله(بهمس لها) : ماأقدر أبات هنا بروح بيت أبوي ولا أشوف واحد من الربع
أمينه(سمعته) : والله منت رايح وخواتك لمن تخليهن يمه عبدالله والله انك مثل ولدي هذا بيتك وأنت واحد منا
عبدالله : مشكوره ياعمه بس أنا
أسيل(بترجي) : عبدالله خلك معنا تكفه لا تبعد محتاجه لك
أمينه : يمه راح نجهز لك المجلس الثاني تنام فيه وأنتي يانجد راح تنامين مع اسيل بغرفة بنتي أوراد
نجد :..........
أسيل : تسلمين ياعمه
سلوى(تطق الباب) : يمه يمه
أمينه : أسمحولي
نجد اللي مهي بصوبهم تمسح دموعها اللي مو قادره توقفهن عن الأنسكاب دامعتا رافضتا لحقيقه ماعانته وتعانيه توأمة روحها
نجد(بهمس) : ماراح تصحى ماراح تصحى ماراح تصحى
أسيل : نجد أهدي ياقلبي
عبدالله(يمسك يدها) : لا نجد لا تقولين كذا
نجد(ترفع نظرها له وعيونها مليئه بدمعها) : أهي قالت ماراح تصحى من الغيبوبه
أسيل : لا نجد لا تقولين كذا أهي ماتعلم الغيب
دخلت العمه معها عشاء لهم نجد رفضت تاكل بس أغصبو عليها وأكلت شوي عبدالله وأسيل شافو أن حالة نجد ماتسمح أنها تداوم للمدرسه وقررو ياخذون لها اجازه كم يوم لين تتحسن حالتها النفسيه




**********************


اليوم الثاني من الحادث.........

نجد وعبدالله وأسيل كانوا من الصبح عند أمهم بغرفتها الكل قام يدعي لنجود تقوم بالسلامه

أسيل تحاول تبان قويه وكاتمه دمعتها وتداريها لخاطر أمها) : أسمحولي يمه أنا عندي شغل وراجعه لك
عبدالله : وأنا بروح للدوام بعد ماأطلع بمر وآخذكم
الأم : حافظكم الله
أسيل(طلعت وأتجهت للحمامات وأنتو بكرامه تبكي) : آآآآآه يانجود انا السبب أنا
ترفه(دخلت عليها ) : أسيل
أسيل(ضمت ترفه ) : ترفه آآآآآآه
ترفه(حطت يدها من ورا ظهر أسيل) : خلينا نطلع البكي مو زين هنا تعالي معي
طلعن لغرفة الممرضات وطلبت ترفه عصير يهدي أعصاب أسيل
ترفه : أهدي ياقلبي أهدي
أسيل(ودموعها مو راضيه توقف كأنها ما صدقت أفرج عنها لأجل أن تنسكب) : تعبت تعبت أحس بالذنب لو ماطلعنا من عندكم كان ماصار لنجود كل هذا أنا السبب أنااااااااااااااا
ترفه : لا أسيل لا تقولين كذا
أسيل : هذي الحقيقه كان محد قدر يقرب أو فكر يتعرض لها
ترفه(أخذت العصير من الفراشه) : طيب شربي عشان تهدين شوي
أسيل : ماراح أهدى لين أعرف من سوى كذا وأنتقم منه
ترفه : شربي أرجوك شربي
أسيل : حاضر




**************************



في شركة حمد اللي وصل بالليل ولا عرف إلا الصبح من أمه

حمد : وألحين كيف حالها
فراس(ياخذ نفس) : آآآآآآه ياحمد على حالها بغيبوبه
حمد : تعوذ من الشيطان ياخوي طيب وخاله زهره والبنات
فراس : كلهم بجهه ونجد بجهه تكسر الخاطر تحس أن شئ أنكسر داخلها و خاله زهره ما تحملت أرتفع السكري معها و بقت في المستشفى
حمد : طيب ما عرفتو من
فراس : لا أبداً
حمد : طيب مو يمكن صاحب الشقه اللي عطاها لعبدالله
فراس : هذا أول ما فكرنا فيه بس أهو مسافر من يوم السبت لأستراليا
حمد : الحمد لله على كل شئ و الحمد لله اللي سلمها من الأعتداء
فراس : تصدق حمد أسيل مسكينه تلوم نفسها
حمد (يرفع حاجبه): ليه عاد
فراس : تقول لو أنا ما سببت مشكله مع خالي و طلعنا من بيته كان ما صار اللي صار لنجود يا حمد أسيل ما قامت تكلم أحد ساكته
حمد : ليه مو فاهمه أن هذا مقدر و مكتوب
فراس : أنا مريت عليهم قبل أجي ما قدرت أشوفها كذا تحس فقدوا أحد أساس بيتهم
حمد : الله يقومها بالسلامه

****************************************

في نفس الوقت وفي مكان آخر.....


نجد اللي ماتفارق توأمتها إلا عند أنتهاء الزياره تقرى القرآن وبعد مده توقف وتسولف معها كأنها تكلمها وأهي موعارفه باللي يراقبها خلف الزجاج العاكس لغرفة العنايه له فتره صامت

نجد : نجود تعرفين شئ أبوي اليوم قال لي يانجد السبت بيتنا بيكون جاهر لنا وأنه حرص على أن تكون أكبر غرفه لي ولك بابا قال ما يبي يفرقنا(مسكت يدها بحنان) أمممممممم تعرفين راح أأثثها على ذوقي ههههههههه أدري ماتحبين ذوقي عاد هذي حلها بسيط سمعي والله والله أذا قمتي قبل يوم السبت بخليك تأثثينها على ذوقك وماراح أتدخل ههههههههههههههه صفقه صح والكل رابح
(نزلت لمستوى أذنها وهمست بكل حب وشوق لها) أحــــــــــــــــــــــبـــــــــــــــــك
و مـــــــــــــــــشــــــــــــــتــــــــــــــــ ــــاقــــــــــــــــــه أسمعها منك
نجد ماقدرت تتحمل لفت ناحيه الزجاج العازل وخبت وجها بين أيديها وبدت تبكي بصمت وحنين وشوق لأختها
: ياعمري كيف أواسيك والله حرام عليك ماأقدر أشوفك كذا
جراح(من وراه) : أوووه من ياعمري من عمرك أعترف اللي تبكي ولا نايمه ياروميو زمانك والله لو أقول للشباب مشعل يحب محد يصدق ههههههههه
مشعل : هههههه ياجراح اللي شاغله القلب والفكر مو توها من 3 شهور متربعه في قلبي أدورها بالسماء وحصلتها في الارض
جراح(تعجب) : بس حنا ماصار لنا أسبوعين عرفنا بوجود بنات عمي من هذي

مشعل (يدندن)

يامن خذيت القلب والروح وياك
لا تفتكر في يوم أبعد وأخليك
ماذقت طعم الحب ياشوق لولاك
كل الهنا شفته بنظرات عينك

جراح : لا لا حالتك خطيره وتغني بعد وأخيرا حبيت يامشعل
مشعل : تصدق مشعل بن محسن تقدر عليه غرشوبه
جراح : طيب هي من فيهن
مشعل(يعطيه ظهره) : هي بالقلب ياولد عمي باي
جراح : بالقلب بالقلب باي(رجع راقب نجد ونجود) آآآه يازمن أيش جنيت على التوأم أحلى علاقه شفتها
زياد(اللي قطع سرحانه) : جراح أنت هنا
جراح : هلا زياد خير أنت ليه هنا
زياد(يراقب نجد وأهي تكلم نجود بحماس) : موعد أبرة نجود عشان الدم ما يتجلط
جراح : ههههههههههههه تذكر أول مادخلت نجود لعملية الزايده رفضت الأبره وحقدت عليك ههههههههههههههههه
زياد : هههههههههههه ياليتها تصحى أن شاء الله تذبحني ما بتكلم أشتقت لدلع الطفوله وتدخل نجد عشان تساعدها
جراح(عارف وش يقصد زياد) : قول أن شاء الله
زياد : أن شاء الله يله أنا بدخل لها


******************************


بعد يومين طلعت زهره من المستشفى وأستقبلتها أمينه في بيتها لين يخلص بيتهم خلال أيام ونجود أستقرت حالتها ولازالت في غيبوبه ونقلوها لغرفه خاصه

أمينه : الحمد لله على سلامتك ياأم عبدالله
زهره : الله يسلمك وأعذرينا ثقلنا عليك
أمينه : أفا ياأم عبدالله والله أنك أخت عزيزه وغاليه
عايشه : تسلمين ياعمه
سلوى : السلام عليكم
الكل : وعليكم السلام
سلوى : يمه أمي ساره ومناير جايات لنا
أمينه : الله مير يحييهن إلا وين روابي وأسيل ونجد
سلوى : فوق يمه
أمينه : روحي لهن نسيت أقول لكن جدتك ورنا ورشا بيجن بعد
سلوى (متفاجئه) : نعم نعم رشا بتجي حلفي
أمينه : مهبوله معناها أمك كذابه
زهره وعايشه : هههههههههههههههههههههههههههههه
سلوى : لا اسفه بس معقوله رشا طيب بروح أقول لهن
أمينه : قولي لليندا تجهز القهوه والشاي بطريقك
سلوى : تامرين يمه



وصل حمد مع أمه وأخته ودخلن للحريم وأهو راح للمجلس عند فراس وعبدالله وثواني ووصلت الجده ورنا ورشا

في مجلس الحريم.....

الجده : ألف الحمد لله على سلامتك
زهره : الله يسلمك ياخاله
رشا : أعذريني ياخاله مازرتك
زهره : معذوره يابنتي الهم شفناك
الجده : أسيل شلونك
أسيل : بخير جده لله الحمد
الجده : وين نجد
أمينه : يمه فوق جالسه مع البنات تجي بعد شوي

بدت سوالف الحريم وتمللت أسيل لان السيره فيها نجود وقلبها كل مره يعورها طلعت وجلست في الحديقه وأفكارها تجي وتروح مع نجود ودمعتها تاخذ لها طريق على خدها بدون سابق أنذار وتأنبها على ماجرى لأختها رغم أنه مالها ذنب بس ركبت الذنب فيها وبنفس اللحظه حمد اللي كان متجه للمطبخ بياخذ القهوه والشاي للمجلس لاحظ أسيل جالسه وتمسح دموعها حس وده بس يغيضها يمكن تقدر تطلع الغضب بدل تكبته مايدري لي بس حب يضايقها

حمد : أحم أحم السلام عليكم
أسيل(عدلت لفتها ونظارتها) : وعليكم السلام
حمد : شخبارك أم عيون
أسيل(في نفسها) : أنا ماني رايقه له أيييييييييييش جابه هذا
حمد : قلنا شخباااااااااااااااااارك ياااااااااا أأأأأأأأأأم عيووووووووووووون
أسيل(تقلده) : قلنااااااااااااااا بخيرررررررررررررر ياااااااااااااا مغرووووووووووور
حمد :ههههههههه شخبار نجود
أسيل(من غير نفس) : زينه
حمد : تصدقين الوضحه تسلم عليك وتقول الحمد لله أني صرت لحمد بن فهد اللي معيشني بنعمه وهناء
أسيل(بصوت واطي) : أيه مهي صارت زوجه جديده مو فرس
حمد : خير قلتي شئ
أسيل(عصبت ) : أقول تقلع من هنا مالي خلق لك
حمد(يجلس ويحط رجل على رجل) : كيييفيييييي قاعد في بيتي
أسيل(توقف) : طيب أنا أروح زين
حمد : جلسي أسيل جلسي مع هالعيون تقولين كشافات ملاعب
أسيل : أقولك بعد شوي وكيفي ماأبي أجلس
حمد(يوقف قدامها) : أجلسي فاهمه
أسيل(عصب زود) : أنا ماني وحده من حريمك ولا أشتغل عندك تكلم عدل ولا تامر علي فاهم
حمد(يمسك يدها ) : لحظه لحظه أيش قصدك بحريمي
أسيل(تسحب يدها منه) : أحذرك لا تلمسني انا لاني احلام الله يرحمها ولا غاده اللي كنت معها في أيطاليا مرتك بالمسيار
حمد(أنصدم منها) : كيف عرفتي
أسيل(تطالع له من فوق لتحت ولفت عنه) : مالك دخل
حمد(بسرعه مسكها ولفها له بعصبيه) : أنا لما أكلمك ياويلك أذا عطيتيني ظهرك
أسيل(تقطع كلامه بأستهزاء) : أنا حمد بن فهد فاهمه
حمد(يصر على ضروسه يكتم غيضه) : لا تختبرين صبري ياأسيل
أسيل(بدت تخاف بس ماحبة تبين له) : هد يدي لا تشوف شئ ما يعجبك
حمد(بعصبيه) : شلووووون عرفتي كل هذا عني شلووووووووون
أسيل رفعت يدها بتعطيه بقس مثل المره اللي فاتت يمكن يتركها بس حمد اسرع منها هذي المره ومسك يدها الثانيه بعد
حمد(بأستهزاء) : لا مو كل مره تضبط معك
أسيل(تحاول تفك نفسها) : هدني حمد مالك علي أمر هددددددددد
حمد : قولي لي كيف عرفتي عني إلا والله بتندمين فااااااااااااهمه
أسيل(رفعت رجلها وضربت ركبته بقوه) : لا مو فاهمه مالك دخل
حمد(هدها ومسك ركبته اللي يتألم منها) : آآآآآآآي يالحيوانه أوريك
أسيل ركضت للبيت وقبل تدخل سوت لحمد حركه تقهره تحره بأيديها
حمد(يدلك ركبته) : هييييييين ياأم عيون كنت ناوي أعاملك بأحترام ولكن والله لأكسر خشمك ما أكون حمد أن ما ندمتك على مواجهتي وتحدي صبري علي

ماكانوا حاسين أن في طرف ثالث شهد على اللي صار وسمع الكلام وكانت صدمه له ما يقال
أم حمد : معقول ياحمد أنت تسوي كذا لا ماأصدق
أمينه(بصوت عالي) : أم حمد تعالي تقهوي
أم حمد(تمسح دموعها) : جيت لكن

عند البنات.....

سلوى(بعصبيه) : يعني شنو منتي مقدمه الأمتحان النهائي
نجد(تمسح دموعها) : أنا ماأقدر وربي حالتها مأثره علي كيف أدرس
رنا : نجود راح تكون بخيروالأمتحانات باقي عليها شهر
سلوى : وأنتي انسانه مؤمنه وتعرفين رحمت الله وسعت كل شئ وبتصحى
نجد : أتمنى أبي أذاكر معها أشتقت لها ولخناقنا
سلوى : الله يجمعكم مع بعض
الكل : أميييييييين
رنا : خلاص يوم السبت داومي بالمدرسه
سلوى : وأنا عندي أقتراح نلخص المراجع ونجهز كل شئ أذا صحت نجود نذاكرلها اللي ذاكرناه
نجد(تمسح دموعها وتبتسم) : مشكورات
رنا : أفا عليك ما بين الخوات شكر أنتن عزيزات


*********************************

في المستشفى.......

في الغرفه اللي نقلو لها نجود بعد استقرار حالتها
زياد(ياخذ ملفها يراجع المكتوب) : نجود كيفك اليوم تصدقين نجد كثير حزينه عليك ترى مو بس اهلي الكل الكل حتى انا نجود صار لك 3 أيام والله كأنهن 3 سنوات تعدي علينا اليوم بسنه مامليتي الأبر والأدويه ماكرهتي النومه والصمت نجوده أشتقت لصياحك (يقلدها) ما أبي أبر لا ماأبي ههههههههههههههههههه أفقدتك أفقدتك ليه راضيه بالعزله (قرب منها ومسك يدها ) أسمحيلي يمكن مومن حقي بس أنتي السبب أيه أنتي برائتك عفويتك جذبتيني لك يوم صابتك الزايده وجلستي 3أيام كانت أحلى 3 أيام بعمري حبيت المستشفى لأنك فيها نجود لخاطري لخاطر نجد لخاطر كل من يحبك أصحي
زياد حس بقبضة يدها تتحرك فرح كثير هذا معناه أنها تسمعه
زياد(ركض لمكتب خاله) : خالي خالي نجود ضغطت على يدي
محسن(يوقف) : متأكد
زياد(بفرح) : أيه ضغطت
طلب محسن فريق طبي وبدوا يفحصونها ويعرفون مدى أستجابتها لهم
محسن : زياد أيش كنت تسوي هنا
زياد(بأرتباك يمسح على شعره) : هاه ولا شئ
محسن(أبتسم) : طيب أيش قلت لها خلاها تستجيب لك
زياد : ولا شئ ولا شئ
محسن : هههههههه طيب هذي بدايه زينه معناها هي راغبه انها تصحى بس اللي مرت فيه مخوفها ومخليها رافضه الحياه بهذا العالم من جديد بس هي تبي اللي يحبونها يساعدونها
زياد(أبتسم) : أن شاء الله
طلع محسن والطاقم الطبي
زياد : سمعتي اللي يحبونك يساعدونك ترى أول من يحبك وماراح أخليك لين ترجعين لنا نجود الأول ولا تخافين ماراح أخلي أحد يضرك أنا معك


**********************************

في بيت خلف.....

أمل(ترد على الجوال) : ألو
نواف : أمل علامك لي3 أيام أتصل ولا تردين
أمل(بحزن) : أنساني نواف
نواف :أنساك كيف أنا أحبك
أمل(بدت تبكي) : نواف أنا ما أنفعك ألحين خلاص
نواف : أمل صدقيني أنا أحبك وكلمت أبوي وقــ..
أمل(تقطع كلامه) : أنساني أنا ماأحبك كنت ألعب بمشاعرك خلاص أنتهى كل شئ
نواف(عصب) : لا ما تضحكين أمل أنتي لي لي فاهمه لي
أمل : لا نواف أنت تستحق أحسن مني أنا ما أنفعك ولا أنفع غيرك أنا أنتهيت
سكرت الجوال وبدت تصيح سمعتها ترفه اللي كانت ماره
ترفه : أمل أمل
أمل :................
ترفه(تجلس جنبها) : أمل فيك شئ قولي لي أنا أختك
أمل : لا مافيني شئ
ترفه : صارحيني طيب ليه تصيحين من زعلك
أمل(تمسح دموعها) : محد ترفه
ترفه(أبتسمت ) : تأكدي أنك أذا أحتجتي لشئ أنا جنبك دوم
أمل(في نفسها) : شلون تساعديني أيش أقول لك حمود قضى علي أو أنا أيش كنت بسبب لنجود بس الله عاقبني
ترفه : هااه حابه تقولين شئ
أمل(بتردد) : أنا أنا
ترفه : أنتي شنو
أمل(توقف) : أنا بصلي أذن العشاء
ترفه(توقف ماحبت تضغط عليها) : خلاص براحتك أنا بغرفتي تصبحين على خير
أمل : وأنتي من أهله